- बुधवार, कार्तिक १९ गते २०८३
TRENDING
काठमाण्डौ । नेपालमा विदेशबाट हुने वस्तुको आयात घटेको छ । गएको मङ्सिर महिनाको तुलनामा पुस महिनामा आयात पाँच अर्बले कम भएको भन्सार विभागले जनाएको छ । मङ्सिरमा एक खर्ब ३२ अर्ब रुपैयाँको सामान आयात भएकोमा पुसमा एक खर्ब २७ अर्ब रुपैयाँको सामान आयात भएको भन्सार विभागले जनाएको छ ।
यससँगै चालु आर्थिक वर्षको ६ महिनामा ७ खर्ब ९२ अर्ब रुपैयाँको वस्तु आयात भएको छ । जुन गत वर्षको ६ महिनाको तुलनमा २० प्रतिशतले कम हो । भन्सार विभागका अनुसार गत आर्थिक वर्ष २०७८/७९ को ६ महिनामा ९ खर्ब ९९ अर्ब ३४ करोडको सामान आयात भएको थियो ।
विभागका अनुसार आर्थिक वर्षका सुरुका ६ महिनामा निर्यात पनि घटेको छ । गत वर्ष यो अवधिमा १ खर्ब १८ अर्ब बराबरको निर्यात भएकोमा यो आर्थिक वर्षको सुरुका ६ महिनामा ८० अर्ब ८० करोड बराबरको सामान निर्यात भएको छ । निर्यात घटे पनि यस अवधिमा व्यापारघाटा कम देखिएको छ । गत वर्ष ८ खर्ब ८० अर्ब रहेको व्यापार घाटा अहिले ७ खर्ब ११ अर्बमा आइपुगेको भन्सार विभागका सूचना अधिकारी पुण्यविक्रम खड्काले जानकारी दिनुभयो ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
