.png)
चितवन, २२ फागुन । नेपाली कांग्रेस चितवन पदाधिकारी सहितको मतगणना आज हुँदै छ । आज मध्यान्ह १ बजेदेखि मतगणना हुने मुख्य निर्वाचन अधिकृत ज्ञानेन्द्र अधिकारीले जानकारी दिए ।
नेपाली कांग्रेस पार्टी कार्यालय, कमलनगरमा मध्यान्ह १ बजेदेखि पदाधिकारीको मत गणना हुने अधिकारीले जानकारी दिए । यसअघि दोस्रो चरणको मतदानको तयारी भइरहेको बेला दुई उम्मेद्वारा सहमति जनाएपछि सर्वसम्मत रुपमा राजेश्वर खनाल जिल्ला सभापति निर्वाचित हुनुभएको थियो । पार्टीको उपसभापति पदका लागि १५ जनाले उम्मेवारी दिएका थिए ।
सचिव ८ र सहसचिवमा १० जनाले उम्मेवारी दर्ता भएको निर्वाचन समितिले जनाएको छ । महासमिति सदस्य, कार्यसमितिका केहि सदस्यहरु सर्वसम्मत चयन भएका छन् । आइतवारबाट उपसभापति,सचिव, सहसचिव, सदस्य र महासमिति सदस्यको मतगणना हुनेछ । निर्वचनमा कुल २ हजार आठ सय २०मत खसेको थियो ।
