कुरिनटार । चितवनको इच्छाकामनामा पनि पि.पि.आर खोप अभियान सुरु भएको छ । बागमती प्रदेशभर सोमबारदेखि सुरु भएको सप्ताहाव्यापी पि.पि.आर  खोप अभियान इच्छाकामनामा पनि सुरु भएको हो ।

इच्छाकामना गाउँपालिकामा तोकिएको ७ वटा खोप केन्द्र मध्ये कुरिनटार खोप केन्द्र वडा नम्बर ४ बाट पहिलो स्थान बनाई एक कार्यक्रमकाबिच बाख्राहरुमा पि.पि.आर खोप लगाउने अभियान सुरु गरिएको हो ।

गाउँपालिका उपाध्यक्ष माया सिलवालको अध्यक्षता तथा वडा नम्बर ३ का वडाध्यक्ष तथा गाउँपालिका प्रवक्ता नर बहादुर नेपालको प्रमुख अतिथि र वडा नम्बर ४ का वडाध्यक्ष रुद्रप्रसाद त्रिपाठीको विशिष्ट आतिथ्यतामा कार्यक्रम सम्पन्न भएको हो ।

उक्त कार्यक्रम नेपाल एग्रोफर्मबाट सुरु गरिएको हो । कार्यक्रममा प्रमुख अतिथि विशिष्ट अतिथि लगायत बोल्ने वक्ताहरुले स्थानिय तहमा पशुपक्षीं क्षेत्रको महत्व तथा बाख्रामा खोपको औचित्यको बारेमा कुरा राख्नुभएको थियो ।

सो अवसरमा कृषकहरुसंग पनि अन्तरकृया गरिएको थियो । कृषकहरुको गुनासो तथा जिज्ञासाको बारेमा सम्बन्धीत व्यक्तिहरुले जवाफ दिएका थिए ।

उक्त सप्ताह व्यापी कार्यक्रमको सुरुवात कार्यक्रमका अध्यक्षबाट ब्यानर पढी सुरु भएको थियो । कार्यक्रमका अध्यक्ष तथा गाउँपालिका उपाध्यक्ष माया सिलवालले यस अभियानमा कर्मचारी, जनप्रतिनिधि,कृषकहरु सबैले हातेमालो गर्नुपर्ने बताउनुभयो ।

गाउँपालिकामा सात वटै वडाका भेडा तथा बाख्रामाहरुमा निरन्तर सप्ताहाव्यापी रुपमा पि.पि.आर खोप लगाइने पशु सेवा शाखा प्रमुख रञ्जित विकले जानकारी दिनुभयो । प्रमुख विकका अनुसार ७ वटै वडामा केन्द्र तोकिएको छ । उक्त केन्द्रहरुबाट सुरु भई वडाका सबै टोलटोलमा उक्त अभियान सञ्चालन गरिने छ ।

इच्छाकामना गाउँपालिकाको प्रविधिक सहयोग तथा भेटेरिनरी अस्पताल तथा पशु सेवा विज्ञ केन्द्र भरतपुर अयोजनामा उक्त अभियान सुरु भएको हो ।