अर्थ

गाउँगाउँमा खुलेका सहकारी जेष्ठ नागरिकको लागि बचतको माध्यम बन्दै

इच्छाकामना न्युज

५, आषाढ २०७९

गाउँगाउँमा खुलेका सहकारी जेष्ठ नागरिकको लागि बचतको माध्यम बन्दै

पवित्रा पराजुली, नवलपरासी पूर्व, ५ असार । गाउँगाउँमा खुलेका सहकारी जेष्ठ नागरिकको लागि बचतको माध्यम बनेका छन् । बुवाआमाहरू सामाजिक सुरक्षा भत्ता बापत सरकारले दिने मासिक रकमबाट उब्रिएको थोरै रकम जम्मा गर्न सहकारी जाने गरेका छन् । थोरैथोरै रकम पनि भविश्यमा दुःख पर्दा काम लाग्ने उनीहरूको भनाइ छ ।

मध्यविन्दु ८ नवलपुरका ६७ वर्षिय कमला उपाध्याय नियमित रूपमा बचत गर्नुहुन्छ । गाउँटोलमा नै खुलेको सहकारी उहाँको बचतको साथी बनेको छ । सुरूमा १ सय रूपैंयाबाट बचत सुरू गर्नुभएका उहाँले हाल मासिक ५ सयसम्म बचत गर्ने गर्नुभएको छ ।

मध्यविन्दु ८ रानिटारका ९३ वर्षका रुपनाारायण पाण्डे पनि सामाजिक सुरक्षा भक्ता बापत पाएको रकमबाट मासिक रूपमा केही बचत गर्नुहुन्छ । मासिक रूपमा भएको थोरै बचतबाट भविश्यमा पुग्ने सहयोग प्रति पाण्डे आसावादी हुनुहुन्छ । केही महिना अघि बिरामी परेको समयमा यसअघि गरेको बचतले पनि सहयोग ग¥यो ।

मध्यविन्दु ८ भागराका शुशीला मरासिनी७२ बर्षको हुनुभयो । घरपरिवार, छोराछोरी सबै हिसाबले उहाँलाइ नपुग्दो केही छैन । तर, आज गरेको थोरै बचत भोलीको लागि सहयोगि हुने भएकाले मासिक रूपमा सकेको जति बचत गर्ने गर्नुभएको छ ।

मध्यविन्दु नगरपालिकामा मात्रै २ हजारभन्दा धेरै जेष्ठ नागरिक छन् । सबैजसो जेष्ठ नागरिकले जिल्लाभर रहेका २ सय ४१ सहकारीमा रकम बचत गर्ने गरेका छन्