आँबुखैरेनी । पहिलो महोत्सव भएको झण्डै एक दशकपछि दोस्रो आँबुखैरेनी महोत्सव हुने भएको छ । तनहूँ उद्योग वाणिज्य संघ आँबुखैरनी इकाइ समितिको आयोजनामा फागुन १० गतेदेखि महोत्सव हुन लागेको हो । २०७१ सालमा प्रथम आँबूखैरेनी महोत्सव भएको थियो । त्यसयता बिभिन्न कारणले महोत्सवलाई निरन्तरता दिन नसकेको बताउँदै इकाइले करिव दश बर्ष पश्चात पुनः महोत्सव गर्न लागिएको जनाएको छ ।

सोमवार पत्रकार सम्मेलन गर्दै इकाइले यस पटकको नारा ‘उद्योग, व्यापार, पर्यटन र कृषिको प्रवद्र्धन, स्थानीय कला र संस्कृतिको संरक्षण’ भन्ने रहेको जनाएको छ । सांस्कृतिक प्रद्धर्शनी, धार्मिक एवम ऐतिहासिक स्थलको अवलोकन, कृषि तथा पशु फार्म अवलोकन, उद्योग तथा विद्युत उत्पादन केन्द्रको अध्ययन अवलोकन महोत्सवका मुख्य आकर्षण रहेको इकाइका पूर्व अध्यक्ष कृष्णमान तामाङले बताए ।

त्यस्तै आँबुखैरेनीदेखि छिम्केश्वरीसम्मको दुई दिने प्याकेज भ्रमणको व्यवस्था समेत रहेको उनले जानकारी दिए । महोत्सवमा विभिन्न जातजातीहरूको संस्कृति, भेषभुषा, खानपानको प्रर्दशनीसँगै विविध लोक साँस्कृतिक कार्यक्रम र खेलकुद प्रतियोगिता समेत हुने बताइएको छ । लोकसंस्कृतीको जर्गेनासँगै पर्यटन प्रवद्र्धन गर्ने महोत्सवको मुख्य उदेश्य रहेको आयोजकले जनाएको छ ।

‘यहाँ रहेका ऐतिहासिक सम्पदा र पर्यटकीय स्थलहरु जस्तै छिम्केश्वरी, ऑधिमूल र मस्र्याङ्दी जलाशयमा जलक्रीडा, ऐना पहरा आदिको व्यापक प्रचार प्रसार गरी आँबूखैरेनीको आर्थिक उन्नतिमा टेवा पु¥याउने लक्ष्य समेत लिएका छाँै’, तामाङले भने । आयोजकका अनुसार महोत्सवमा १ सय ७५ वटा स्टल रहने छन् । ७५ हजार दर्शकले महोत्सवको अवलोकन गर्ने अनुमान गरिएको छ । माहेत्सवबाट ४१ लाख आम्दानी गर्ने लक्ष्य लिइएको छ ।

महोत्सवमा करिब ४ करोड ५० लाख बराबरको आर्थिक कारोबार हुने अपेक्षा गरिएको छ । टिकट शुल्क सर्वसाधरणका लागी ८०, विद्यार्थीको हकमा ५० रुपैया निर्धारण गरिएको छ । अपाङ्गता भएकाहरुलाई भने निःशुल्क प्रवेशको व्यवस्था हुने बताइएको छ ।