- शुक्रवार, कार्तिक १४ गते २०८३
TRENDING
कुरिनटार । व्यवसायीहरुको साझा संस्थाको रुपमा स्थापित चितवन चेम्बर अफ कमर्सले चितवनको इच्छाकामना गाउँपालिकामा नयाँ सदस्यता विस्तार अभियान सुरु गरेको छ । कमर्सको इच्छाकामना इकाइ समितिको नेतृत्वमा शनिबारदेखि सदस्यता विस्तार अभियान सुरु गरेको हो । सदस्यता विस्तार अभियानको पहिलो दिन मौवाखोला, फिस्लिङ र चुम्लिङटारका व्यवसायीहरुलाई सदस्य बनाइएको छ।
चेम्बरले केहि समय पहिले लम्साल सपिङ कम्प्लेक्सका सञ्चालक अश्मिन कुमार लम्सालको अध्यक्षतामा चेम्बर अफ कमर्स इच्छाकामना इकाई समिति गठन गरेको थियो । सोही समितिलाई गाउँपालिकाले सूचिकृत गरेसँगै चेम्बर इच्छाकामनाले नयाँ सदस्यता विस्तार अभियान सुरु गरेको चेम्बर अफ कमर्स इच्छाकामना इकाई समितिका अध्यक्ष अश्मिन कुमार लम्सालले जानकारी दिए । सदस्यता विस्तारको क्रममा इच्छाकामनामा सञ्चालित होटल, मेडिकल, किराना, कृषि, अटो वर्कशप, लगायत कुनैपनि व्यवसायीहरु चेम्बर अफ कमर्समा आवद्ध हुन सक्ने उनले बताए ।
अध्यक्ष लम्सालका अनुसार इच्छाकामना गाउँपालिका भरीका सम्पूर्ण व्यवसायीहरुलाई सदस्य बनाई आगामी ६ महिना भित्र चेम्बर अफ कमर्स इच्छाकामना इकाई समितिको प्रथम अधिवेशन आयोजना गरिनेछ । साथै सोही अधिवेशनले नयाँ कार्यसमिति चयन गरिने पनि उनले बताए ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
