- शनिवार, आश्विन ३ गते २०८३
TRENDING
दमौली, २२ पुस । तनहुँमा घुस्याहा इन्जिनियरको रुपमा नाम कमाएका तर अहिलेसम्म पक्राउ पर्न नसकेका सब–इन्जिनियर सुरेन्द्र अधिकारी अन्ततः अख्तियारको फन्दामा परेको छ। उनलाई आज बुधबार अख्तियार दुरुपयोग अनुसन्धान आयोग कार्यालय पोखराको टोलीले सेवाग्राहीसँग डेढ लाख रुपैयाँ घुस लिएको आरोपमा रंगेहात पक्राउ गरेको छ।
राष्ट्रिय पुननिर्माण प्राधिकरण अन्तर्गतको आयोजना कार्यान्वयन एकाई शिक्षा कार्यरत सब–इन्जिनियर अधिकारीलाई अख्तियारको टोलीले दमौली मालपोत लाईनबाट पक्रेको हो ।
भानु ९५ मैबलको सरस्वती माध्यमिक विद्यालयमा १४ लाख ६९ हजारमा निर्माण गरिएको शौचालयको योजना अनुगमन पश्चात काम सम्पन्नको विवरण दिन उनले घुस मागेको भन्दै विद्यालयका अधिकारीहरुले उजुरी दिए पछि पोखराबाट टोली आएको थियो ।
मालपोत लाईन दमौलीको भिरकोट रेस्टुरेन्टमा नगद दिनासाथ अख्तियारको टोली घटनास्थल पुगेको थियो ।
घुसको सूचना आएकाले छापाः अख्तियार
अख्तियार दुरुपयोग अनुसन्धान आयोग पोखराका प्रवक्ता मेघनाथ रिजालले अधिकारी पक्राउ घटनाको पुष्टि गरे । ‘काम सकिए पनि रकम मागेर आनाकानी गरेको सूचना आएकाले टोली खटाएका थियौं,’ उनले भने– ‘रकमसहित पक्राउ गरिएको छ । अब थप अनुसन्धान थाल्छौ ।’
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
