- मंगलवार, कार्तिक १८ गते २०८३
TRENDING
गोरखा, १८ असोज
रोटरी क्लव अफ गोरखा र रोटरी क्लव अफ वान्सवर्ग यूकेले गोरखाका दुईवटा गाउँका बासिन्दालाई जीविकोपार्जनका लागि सहुलियत व्याजमा बिउपुँजी प्रदान गरेका छन्।
सिरानचोक ५ को डाँडागाउँस्थित खानेपानी आयोजनाका उपभोक्ताहरुलाई चार लाख रुपैयाँ र शहीद लखन गाउँपालिका ५ मास्कीछापको रोटरी कम्युनिटी क्लवलाई चार लाख रुपैयाँ बिउपुँजी प्रदान गरेको हो।
डाँडागाउँ खानेपानी तथा सरसफाइ उपभोक्ता समूहका ६३ घरधुरी परिबारलाई चारवटा समूह बनाई प्रत्येक समूहलाई एक/एक लाखका दरले बिउपुँजी प्रदान गरिएको रोटरी क्लव अफ गोरखाका अध्यक्ष काशिनाथ अम्गाईले जानकारी दिए। त्यस्तै शहीद लखन गाउँपालिका ५ मास्कीछापको रोटरी कम्युनिटी क्लवमार्फत स्थानीय विपन्न बर्ग समुदायका ब्यक्तिहरुलाई चार वटा समूह बनाई एक/एक लाख रुपैयाँका दरले बिउपुँजी प्रदान गरिएको अध्यक्ष अम्गाईले जानकारी दिए।
उनीहरुले सो रकमबाट कुखुरा, बाख्रा, माछा पालन, तरकारीखेती लगायतको आयआर्जन हुने खालका कार्यक्रम गर्न सक्ने क्लवले जनाएको छ। सोबाट आम्दानी भएको रकमबाट एक/एक बर्षमा ब्याज र पाँच बर्षमा साँवा र व्याज चुक्ता गर्नुपर्ने कार्यविधि बनाइएको क्लवका अध्यक्ष अम्गाईले बताए।
डाँडागाउँमा बिउपुँजी प्रदान गर्न क्लवका अध्यक्ष काशिनाथ अम्गाईको नेतृत्वमा टिम गएको थियो भने मास्कीछापमा कर्जा प्रबाह गर्न निवर्तमान अध्यक्ष शरदबाबु कट्टेलको नेतृत्वमा रोटरी क्लवका टिम गएका थिए। उनीहरुले गरिब घटाई जीविकोपार्जनमार्फत आत्मनिर्भर गराउन यस्तो कार्यक्रम गरिएको बताएका थिए।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
