सिन्धुपाल्चोकको जुगलका १ सय ९९ घरधुरी सम्पूर्ण सुविधाबाट वञ्चित

इच्छाकामना न्युज

७, भाद्र २०७९

सिन्धुपाल्चोकको जुगलका १ सय ९९ घरधुरी सम्पूर्ण सुविधाबाट वञ्चित

दिपक खत्री, सिन्धुपाल्चोक । सिन्धुपाल्चोकको जुगल गाउँपालिका ३ मा पर्ने तेम्बाथान, तेगा र दिपुमा पुर्वाधारको पहँुच अझै पुग्न सकेको छैन । त्यहाँका बासिन्दासरकारी सेवासुविधासहित स्वास्थ्य एवं शिक्षा, सडक र बिजुलीको पहुँचबाट बाहिर छन् । तेम्बाथानमा१ सय ६७ घरधुरी छन् भने दिपु, साङ्लुङ र तेगा गाउँमा ३२ घरधुरीको बस्ती छ ।

त्यहाँका नागरिकलाई पालिकाको कात्तिके बजारसम्म पुग्नलाई २ दिन पैदल हिड्नुपर्छ । सडक नहुँदा दैनिक उपभोग्य सामग्री किन्नको लागि हिँडेरै जोखिमपूर्ण यात्रा गर्नुपर्ने बाध्यता रहेको छ । ठाउँठाउँमा खोला, भिरको बाटो, भारी बोकेर कष्टपूर्ण पैदल यात्रा गर्नुपर्ने बाध्यता रहेको स्थानियवासी कामी शेर्पाले बताउनुभयो ।

यहाँका नागरिक सडक मात्रै होइन स्वास्थ्य सेवाबाट समेत पछाडी रहेका छन् । गम्भिर बिरामी भए अस्पताल पु¥याउन ढिलाइ हुने हुँदा बिरामीको ज्यान जोगाउन कठिन हुन्छ । आमाबुवा चौँरी गोठमा व्यस्त हुँदा बालबालिकाले विद्यालय छोड्ने दर पनि बढिरहेको छ । पढाइभन्दा चौँरीगोठ प्यारो भन्ने मान्यताले बालबालिका शिक्षाबाट टाढा बनाइरहेको छ ।

गोठ नगइ विद्यालय जान थालेका बालबालिकाहरूको पढाइ पनि ६ सम्म पढेर रोकिन्छ । धेरैजसो परिवारटुकी बत्तीकै भरमा छन् भने सञ्चार सुविधाबाट बञ्चित छन् । योसभामुख अग्नी प्रसाद सापकोटा निर्वाचन क्षेत्र भित्र पर्दछ । चुनावको बेला मात्रै नेता कार्यकर्ता गाउँ छिर्ने र विकास र समृद्धिको आश्वासन दिने चुनाव सकिएपछि गाउँ नफकर्ने नागरिकको गुनासो छ ।