बन्दिपुर गाउँपालिकाद्वारा इच्छाकामना न्युजकर्मी चित्र सोल्टि गुरुङ सहित ५ पत्रकार सम्मानित

इच्छाकामना न्युज

२५, माघ २०७८

तनहुँ, २५ माघ । तनहुँको बन्दीपुर गाउँपालिकाले तनहुँका क्रियाशिल पत्रकारहरुलाई सम्मान गरेको छ । मंगलबार सम्पन्न गाउँपालिकाको १० औं गाउँसभामा जिल्लाका क्रियाशिल पत्रकारलाई सम्मान गरेको हो ।

सम्मानित हुनेहरुमा इच्छाकामना न्युजका कार्यकारी सम्पादक चित्र सोल्टी गुरुङ सहित खबरपुञ्जका सहसम्पादक विनोद ढुंगाना, दमौली एक्सप्रेस साप्ताहिकमा कार्यरत सुनिता आचार्य, तनहुँ उद्घोष दैनिकमा कार्यरत किरण श्रेष्ठ र प्रादेशिक खबर दैनिकमा कार्यरत शिला वाग्ले रहेका छन् ।

पत्रकारिताको माध्यमबाट गाउँपालिकाको प्रबद्र्धनमा योगदान पु¥याएकाले सम्मान गरेको गाउँपालिका अध्यक्ष पूर्णसिंह थापाले बताए । बन्दीपुरको पर्यटन, शिक्षा, स्वास्थ्य, पूर्वाधार विकास लगायतमा पत्रकारिताका माध्यमबाट सहयोग पु¥याउने जिल्लाका क्रियाशिल पत्रकारलाई छनोट गरेर सम्मान गरेको उनले बताए । गाउँपालिकाले बर्षेनी पत्रकारहरुलाई सम्मान गर्दै आईरहेको छ ।

आफ्नो कार्यकालको अन्तिम अर्थात १० औं गाउँसभा मंगलबार समापन गरेको बन्दीपुर गाउँपालिकाले पत्रकार सहित विभिन्न व्यक्ति र संघसंस्थालाई सम्मान गरेको छ । कृषक समुह, दुग्ध उत्पादक शहकारी, किसान, विद्यालय, सहकारी, खानेपानी उपभोक्ता समिति, सडक उपभोक्ता समितिलाई समेत सम्मान गरेको छ ।