- मंगलवार, कार्तिक १८ गते २०८३
TRENDING
जनकपुरधाम, २३ साउन । मेयरले कार्यकक्षमा कार्यालय सहयोगीलाई मसाज गर्न लगाएको तस्बिर यतिबेला सामाजिक सञ्जालमा भाइरल भइरहेको छ ।
धनुषाको बिदेह नगरपालिकाका मेयर बेचन दासले आफ्नो कार्यकक्षमै कार्यालय सहयोगीलाई खुट्टाको मसाज गर्न लगाएका हुन् । कार्यालय सहयोगी करन दासले खुट्टाको मसाज गरिरहेको तस्बिर झ्यालबाट कसैले खिचेर सामाजिक सञ्जालमा राखिएको हो, जुन तस्बिर यतिबेला भाइरल भइरहेको छ ।
कोठाको ढोका थुनेर मेयर दासले कार्यालय सहायकसँग मालिस गराइरहेको देखिन्छ । दास नेकपा माओवादी केन्द्रबाट मेयरमा निर्वाचित भएका र पछिल्लो समय उनी नेकपा एमालेमा प्रवेश गरेका हुन् । मेयर दासले आफूलाई सञ्चो नहुँदा आफ्नै भाइ नाता पर्ने कार्यालय सहयोगीलाई मालिस गर्न लगाएको स्वीकारेका छन् ।
‘सञ्चो नहुँदा नहुँदै सेवाग्राहीलाई मर्का पर्ला भनेर म एक घन्टाको लागि कार्यालय गएको थिएँ । तर जिउ दुखेर काम गर्न नसक्ने भएपछि मेरो भाइलाई बोलाएर मालिस गर्न लगाएको हुँ,’ उनले भने । उनले नै भाइलाई कार्यालय सहयोगीको रुपमा जागिर दिएका थिए ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
