- मंगलवार, कार्तिक १८ गते २०८३
TRENDING
काठमाडौं । थाइल्यान्डमा जारी महिला टी–ट्वान्टी स्मास क्रिकेट प्रतियोगितामा नेपाल समूह ‘ए’ को विजेता बन्दै सेमिफाइनलमा प्रवेश गरेको छ । टर्डथाइ क्रिकेट मैदानमा आयोजक थाइल्यान्डको ‘ए’ टोलीलाई ९ विकेटले पराजित गर्दै नेपाल समूह विजेता बनेको हो ।
थाइल्यान्डका पाँच खेलाडी शून्य रनमा आउट भए भने ६ खेलाडीले मात्रै रन बनाउन सके । टोलीले बनाएको कुल १९ रनमध्ये ब्याटरहरूको योगदान १२ रन थियो भने अतिरिक्तबाट सात रन प्राप्त भएको थियो । नेपालका लागि आरती विडारीले तीन विकेट लिइन् । सरिता मगर र इन्दु बर्माले समान दुई–दुई विकेट लिए ।
२० रनको सामान्य लक्ष्य पछ्याएको नेपालले ३.३ ओभरमा एक विकेट गुमाएर लक्ष्य पूरा गर्यो । नेपालका लागि ममता चौधरीले आठ रन बनाइन् । नेरी थापा पाँच र डोली भट्ट दुई रनमा अविजित रहे ।
समूह चरणमा नेपालले शतप्रतिशत जित निकालेको छ । यसअघि नेपालले पहिलो खेलमा चीनलाई १० विकेटले, दोस्रो खेलमा मलेसियालाई ६ विकेटले र तेस्रो खेलमा यूएईलाई पनि ६ विकेटले पराजित गरेको थियो । चारवटै खेल जित्दै नेपाल समूह विजेता बनेको हो ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
