एकल महिलालाई उपाध्यक्षको कोसेली

इच्छाकामना न्युज

१३, आषाढ २०७८

काली बहादुर परियार, जुम्ला, १३ असार । जुम्लाको हिमा गाउँपालिकाले एकल महिलाई कोसेली दिने गरेको छ । एकल महिला संग उपाध्यक्ष कार्यक्रम अन्तरगत एकल महिलालाई कोसेली दिएको हो ।

हिमा गाउँपालिकामा धेरै एकल महिला र उहाँहरूले भोगिरहेको गरिबी, विभेद र अन्यायलाई सम्बोधन गर्नकै लागी एकल महिला संग उपाध्यक्ष कार्यक्रम ल्याएको हिमा गाउँपालिकाका उपाध्यक्ष हिमाली रोकायाले जानकारी दिनु भयो ।

उहाँका अनुसार श्रीमान गुमाएका, हराएका, बेपत्ता पारिएका, सम्बन्ध विच्छेद गरेका, बिहे नगरी बसेका एकल महिला र न्युन आर्य भएका बिद्यार्थीलाई प्रोसान स्वरुप यस्तो कोसेली दिइको हो ।

उपाध्यक्ष रोकायाले कुनै पनि एकल महिलालाई समाजमा विभेद रहित, हिंसारहित र सम्मानित जीवन जिउनका लागि सशक्त गराउनका लागी यस्तो कार्यक्रम सुरु गरिएको रेडियो कर्णाली जुम्ला लाइ जानकारी दिनु भयो ।

संघियता पछि स्थानिय तहमा महिला जनप्रतिनिधि आएपछि एकल महिलाले राज्य पुगेको केही अनुभुती गरेको हिमा गाउँपालिकाका महिलाहरुको भनाइ रहेको छ । उनीहरुले स्थानिय सरकारले एकल महिलाका लागी प्रथामिकता कार्यक्रम गर्नु गौरवको कुरा भएको बताएका छन्  ।

उपाध्यक्ष रोकायाका अनुसार एकल महिलाको पीडा राम्रो सँग बुझ्नु पर्छ, अनि मात्रै हामी जनप्रतिनिधि भएको सार्थक हुन्छ  । हामी जनप्रतिनिधिले एकल महिलाका समस्या सम्बोधन गर्नमा पछि नपर्ने रोकायाको भनाइ छ ।