- बिहिवार, कार्तिक २० गते २०८३
TRENDING
भुबि बिष्ट, बैतडी, २१ बैशाख । बैैतडीको पञ्चेश्वर गाउँपालिकामा शवलाई पोष्टमाटमको लागि जिल्ला अस्पताल ल्याउदै गरेको जिप दुर्घटना हुदा ५ जनाको मृत्यु भएको छ । आज दिउसो से १ ज १८३ नम्बर को जिप पञ्चेश्वर गाउँपालिकाकै वडा नं ६ को गणमेश्वर मोडमा दुर्घटना हुदा चालक सहित ५ जनाको मृत्यु भएको हो ।
४ जनाको घटनास्थलमै र चालकको उपचारका लागि जिल्ला अस्पताल ल्याउदै गर्दा बाटोमै मृत्यु भएको जिल्ला प्रहरी कार्यालय बैतडीले जानकारी दिएको छ । मृत्यु हुनेमा चालक तेज भण्डारीसँगै पञ्चेश्वर गाँउपालिका वडा नं ६ का अन्ताजी ३० वर्षीय डम्मर सिह भण्डारी, ५० वर्षीय जित सिह भण्डारी, २७ वर्षीय हिक्मत भण्डारी र ४० वर्षीय दिपक भण्डारीको मृत्यु भएको जिल्ला प्रहरी कार्यालय बैतडीका प्रबक्ता दर्शन खड्काले जानकारी दिनुभयो ।
जिपमा सवार अन्य ५ जना घाइते भएको प्रहरीले जनाएको छ । उनिहरुलाई उपचारको लागि जिल्ला अस्पताल ल्याइदै छ । हिजो राती वडा नं ६ कै वडा सदस्य गाबिन्द सिह भण्डारीको मृत्यु भएको थियो । उनकै शव पोष्टमाटमको लागि जिल्ला अस्पताल ल्याउदै गर्दा दुर्घटनामा परेको हो ।
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
