कोरोनापछि अछाममा घरेलु मदिराको अवैध बेचबिखन बढ्यो

इच्छाकामना न्युज

२९, फाल्गुण २०७७

कोरोनापछि अछाममा घरेलु मदिराको अवैध बेचबिखन बढ्यो

एकेन्द्र खत्री, अछाम, २९ फागुन । कोरोना पछि अछाममा घरेलु मदिराको अवैध बेचबिखन बढेको छ । जसले गर्दा विद्यार्थीको पठनपाठन देखि सामाजिक कामहरुमा पनि प्रभाब परिरहेको छ । रोजगारी गुमाएर १७ हजार मानिस भारत लगाएत अन्य मुलुकबाट अछाममा फर्किएका छन् । गाउँ फर्किनेहरु सबै जसो पुरुष भएकाले मदिराको अब्यावस्थित बिक्री तथा सेवन बढेको छ ।

अव्यवस्थितरुपमा बढेको मदिरा बेचबिखन तथा सेवनले बालबालिकाको पठनपाठन समेतमा प्रभाब परेको छ भने बिकास निर्माणका काम पनि असर परेको साँफेबगर नगरपालिका नगरस्तरि युवा क्लबका अध्यक्ष पूजा बुढाले बताउनुभयो । मदिराको जथाभावी बेचबिखन र सेवनमा रोक लगाईएको त्यसलाइ कार्यान्वयनमा लैजान नसकिएको साँफेबगर नगरपालिका वडा नम्बर ५ का वडाध्यक्ष उजिरसिंह साउद स्वीकार गर्नुहुन्छ ।

जिल्ला प्रहरी कार्यालय अछामले चालु आर्थिक वर्षमा अहिले सम्म ७ हजार ४ सय ९ लिटर अवैध तथा घरेलु मदिरा बरामद गरेको छ । अघिल्लो आर्थिक वर्षको यही अवधिमा करिब ४ हजार लिटर मात्रै मदिरा नष्ट भएको थियो ।

बेरोजगारीको समस्याले मदिरा बनाउने र खाने दर बढेको देखिएको जिल्ला प्रहरी कार्यालय अछामका इन्स्पेक्टर तथा निमित्त कार्यालय प्रमुख गङ्गादत्त बढु बताउनुहुन्छ । अछामका प्रमुख जिल्ला अधिकारी गोकर्ण प्रसाद उपाध्यायमदिराको अव्यवस्थित बिक्रि र सेवनलाइ नियन्त्रण गर्न सरोकारवालालाइ अनुगमनमा खटाएको बताउनुहुन्छ ।

तर जथाभावी हुने मदिराको बिक्रिले नागरिकको स्वास्थ्यमा मात्रै होइन, सामाजिक प्रतिष्ठामा पनि असर पु¥याइरहेको छ ।