तनहुँ, १० फागुन । तनहुँमा भुमि सम्वन्धि समस्या समाधान आयोग जिल्ला समितीको पदस्थापन भएको छ । भुमि सम्वन्धि समस्या समाधान आयोगका केन्द्रिय सदस्य एक वहादुर रानाको अध्यक्षतामा सम्पन्न भएको पदस्थापन कार्यक्रमको स्वागत जिल्ला समन्वय समितीका सभापति शान्तिरमण वाग्लेले गर्नुभएको थियो । 
आयोगका जिल्ला समितीका अध्यक्ष दधिराज सुवेदी, विज्ञ सदस्य दिर्घ दरै र सदस्य शान्ति कुवँरलाई राष्ट्रिय सभा सदस्य सदस्य भगवती न्यौपानेले टिका र खाँदा लगाएर पदस्थापन गराउनुभएको थियो । कार्यक्रमका प्रमुख अतिथी भगवती न्यौपानेले नयाँ कार्यसमितीले भुमि सम्वन्धि समस्या समाधानको मुल मन्त्रलाई आत्मासात गरेर काम गर्न आग्रह गर्नुभयो । जनताको आशा र भरोसा सँग जोडिएको भुमि समस्यालाई निष्पक्ष रुपमा काम गरेर जनचाहना पुरा गर्नुहोस, प्रमुख अतिथी न्यौपानेले भन्नुभयो । 
कार्यक्रममा सम्वोधन गर्दे नेकपा जिल्ला कमिटीको अध्यक्ष केदार सिग्देलले भुमि समस्या समाधानमा सरकारले ल्याएको निति वमोजिम तोकिएको जिम्मेवारी पुरा गर्न आयोग सक्षम हुनुपर्ने वताउनुभयो । संविधानले नै कुनै पनि नेपाली जनता भुमिहिन तथा सुकुम्वासी हुन नपरोस भनेर व्यवस्था गरेको हुदाँ यो आयोगको मुख्य अभिभारा त्यसमा नै केन्द्रित हुनुपर्ने वताउनुभयो ।  यो आयोग सफल हुन सम्पुर्ण राजनैतिक दल र पक्षहरुवाट सहयोग हुनुपर्ने पनि वहाँले वताउनुभयो । 
यसैगरि नेपाली काग्रेस तनहुँका कावा सभापति जितप्रकाश आलेले आफनो पार्टीवाट यो आयोगलाई पुर्ण सहयोग हुने वताउनुभयो । कार्यक्रममा प्रमुख जिल्ला अधिकारी सागर आचार्य, जसपाका जिल्ला  नेता कृष्ण घिमिरे, प्रहरी प्रमुख अरुण पौडेल लगायतको व्यक्तित्वहरुको उपस्थिती रहेको थियो । 
पदभार ग्रहण गर्दे भुमि सम्वन्धि समस्या समाधान आयोग तनहुँका अध्यक्ष दधिराज सुवेदीले समयमा नै जिम्मेवारी पुरा गर्ने गरि काम गर्ने वताउनुभयो । सवैको साथ रहने आशा गर्दे आयोगको मुल मर्म अनुरुप काम गर्नेछु, अध्यक्ष सुवेदीले भन्नुभयो । यसैगरि आयोगका केन्द्रिय सदस्य एक वहादुर रानाले पक्ष विपक्षमा हैन,मुल मान्यतामा रहेर जिम्मेवारी वहन गर्न आग्रह गर्नुभयो ।