घैरुङ, ३ फागुन । गोरखाको शहिद लखन गाउँपालिकाले गाउँपालिका भित्रका उत्कृष्ट किसानहरुको घोषणा गरि पुरस्कृत गरेको छ। गाउँपालिकाले कृषि बाली र  पशुपालन तर्फ २ वटा विद्यामा वडास्तरमै उत्कृष्ट कृषक छनौट गरि घोषणा गरि पुरस्कृत गरेको हो।
जस अनुसार कृषिबाली तर्फ वडा नं. १ का दिल्ली कुमार न्यौपाने, वडा नं. २ का कमल थापा, वडा नं. ३ का सोम बहादुर गुरुङ, वडा नं. ४ का माधव खनाल, वडा नं. ५ का तुल बहादुर थापा, वडा नं. ६ का मानसिं राना, वडा नं. ७ का रविन थापा मगर, वडा नं. ८ का कुमार बाबु श्रेष्ठ र वडा नं. ९ का जयदेवी पाण्डेलाई उत्कृष्ट कृषक घोषणा गरि पुरस्कृत गरिएको छ। उनीहरुलाई जनही ९ हजार रुपैयाँ नगद र सम्मानपत्रले पुरस्कृत गरिएको छ। साथै कृषिबालीतर्फ पुरस्कृत किसानहरु मध्य वडा नं. ४ का माधव खनाललाई सर्वोत्कृष्ट किसान (कृषिबालीतर्फ) घोषणा गरी नगद ११ हजार ५ सय रुपैया र सम्मानपत्रले पुरस्कृत गरिएको छ। कृषक खनालले २२ रोपनी क्षेत्रफलमा केराखेती गर्दै आउनुभएका खनालले साढे ९ लाख रुपैयाँ वार्षिक आम्दानी गर्ने गरेको कृषिा शाखा प्रमुख ऋषि रोकाले जानकारी दिनुभयो। 
यसैगरी पशुपालनतर्फ उत्कृष्ट किसानका रुपमा वडा नं. १ का राम बहादुर भुजेल, वडा नं. २ का होम बहादुर राना, वडा नं. ३ का कुमानसिं मगर, वडा नं. ४ का जित बहादुर प्रजा, वडा नं. ५ का रेशम राना मगर, वडा नं. ६ का भोज बहादुर थापा, वडा नं. ७ का कुमार राना, वडा नं. ८ का बिमल रम्तेल र वडा नं. ९ का प्रकाश लामिछानेलाई घोषणा गरी पुरस्कृत गरिएको छ। उनीहरुले पनि जनही 
९ हजार रुपैयाँ नगद र सम्मानपत्र पाएका छन्। साथै पशुपालन तर्फ वडा नं. ३ का कुमानसिंह मगर सर्वोत्कृष्ट किसान घोषित भएका छन्। उनले नगद ११ हजार ५ सय रुपैयाँ र सम्मानपत्र पाएका छन्। व्यावसायीक रुपमा भैसीपालन गरिरहेका मगरको गोठमा अहिले २३ वटा भैसी रहेको वार्षिक २९ लाख रुपैयाँ कमाई गर्ने गरेको पशु सेवा शाखाका प्रमुख ऋषिराम मरहठ्ठाले जानकारी दिनुभयो।
गाउँपालिकाले आईतबार १४४ औं प्रथम लखन थापा मगर स्मृति दिवसको अवसरमा आयोजित कार्यक्रममा किसानहरुलाई सम्मान गरेको हो।