मोडल देव आर्यन र रन्जिता श्रेष्ठको सौराहामा रोमान्स

इच्छाकामना न्युज

३०, मंसिर २०८०

मोडल देव आर्यन र रन्जिता श्रेष्ठको सौराहामा रोमान्स

चितवन । चितवनको पर्यटकिय स्थल सौराहामा मोडल देव आर्यन र रन्जिता श्रेष्ठले रोमान्स गरेका छन् । युवा गायक सागर भुसालको स्वरमा रहेको रोमान्टिक गीतमा छायाङ्कनको क्रममा मोडलद्वयले स्क्रीनमा रोमान्स गरेका हुन् ।

मोडल देव र रन्जिताको अभिनय रहेको गीतको भिडियोको राजिव समरले निर्देशन गरेको छन । यतीबेला गीतको भिडियोको छायाङ्कन चितवनको पर्यटकिय स्थल सौराहामा धमाधम भैरहेको छ ।

भिडियो दृश्य नेत्र गुरुङ, प्रबेश पण्डित र सन्तोष परियारले संयुक्त छायाङ्कन गरेका छन् भने भिडियो छायाङ्कन सौराहा सँगै नवलपरासी, नारायणी नदि किनारमा पनि खिचीएको छ । भिडियोमा देव र रन्जिता माया प्रेममा डुबेका छन । दर्जन बढी भिडियोमा काम गरिसकेका चितवनका मोडल देवले मोडल रन्जिता सङ्ग काम गर्न पाउँदा सहज भएको महसुस गरेका छन । देवले निर्देशक राजिव समरको कामको पनि तारिफ समेत गरेका छन ।

यस अघि पनि ‘धरान बजारमा...’ मा सँगै काम गरेका देव भन्छन ‘राजिव सरको सँग फेरि काम गर्न पाउँदा निकै खुसी लागेको छ । उहाँ सँग यसरी नै निरन्तर काम गर्न पाईयोस।’

गीतमा शब्द भिष्मराज जोशीको संगीत सन्तोष रत्न दगंलको एरेन्ज एसके बस्यालको रहेको छ । बोडन्स फिल्मी पोड्क्सनले निर्माण गरेको गीतको भिडियो पुषको दोस्रो सातासम्म सार्बजनिक निर्माण पक्षले जानकारी दिएको छ ।