व्यासका कर्मचारीले नियम विपरित घरभाडा लिएको समाचारप्रति लक्ष्मी गुरुङको खण्डन

इच्छाकामना न्युज

२०, माघ २०७९

व्यासका कर्मचारीले नियम विपरित घरभाडा लिएको समाचारप्रति लक्ष्मी गुरुङको खण्डन

तनहुँ । केहि दिन अघि इच्छाकामना न्युज डटकमले प्रकाशित गरेको ‘तनहुँको व्यास नगरपालिकाका केही कर्मचारीलाई कानुन विपरित मासिक घर भाडा सुविधा, रोक्न खोज्दा प्रशासकीय अधिकृतलाई दुर्वव्यवहार’ समाचारप्रति घरभाडा सुविधा लिने मध्यकी एक कर्मचारी जनस्वास्थ्य निरिक्षक लक्ष्मी गुरुङले आपत्ति प्रकट गरेकी छिन् । उनले केही दिन अघि समाचार प्रकाशन गर्ने अनलाईन विरुद्ध प्रेस काउन्सियलमा उजुरी दिदै समाचारप्रति खण्डन गरेकी हुन् ।

उनले समाचारप्रति आपत्ति प्रकट गर्दै आफुले नक्कली घरबेटी खडा गरी घरभाडा बुझेको कुरा गलत भएको र कार्यपालिकाको निर्णयले नै आफुलाई कार्यालय समय भन्दा अतिरिक्त समयमा काम गर्नुपर्ने भएकोले घरभाडा सुविधा उपलब्ध गराएको साथै सो वापतको रकम घरबेटीले बुझेको जानकारी गरेका छन् ।

यस्तो छ उनको खण्डन पूर्ण पाठ

नोटः यद्यपी उल्लेखित समाचारमा उल्लेख भएबमोजिम व्यास नगरपालिकाले कर्मचारीलाई उपलब्ध गराएको घरभाडा ऐन विपरित नै देखिन्छ । स्थानीय तहले घर भाडा सेवा सुविधा सम्बन्धि ऐन बनाएर मात्रै यो सुविधा दिन सक्ने भए पनि व्यास नगरपालिकाले अहिलेसम्म यो ऐन नबनाएको नगरपालिकाले इच्छाकामना न्युजसँगको कुराकानीमा स्वीकार गरेको छ । यसैले पनि यो सुविधा नियमविपरित नै रहेको सबैमा जानकारी गरिन्छ । यद्यपी ऐन नै नबनाई कर्मचारीलाई घरभाडा उपलब्ध गराउनु नगरपालिकाको कमजोरी देखिएकोले सो को कारण नगरपालिकाले नै निर्णय गरेर कार्यालयमा कार्यरत जनस्वास्थ्य निरिक्षक लक्ष्मी गुरुङको हकमा घरभाडा उपलब्ध गराएको समाचार प्रकाशन पश्चात निजलाई पर्न गएको असुविधा प्रति हामी क्षमा प्राथी छौं ।