- आइतवार, कार्तिक २३ गते २०८३
TRENDING
उदयपुर । सप्तकोसी नदी आज बिहानबाट उदयपुरको बेलका नगरपालिका–८ डुम्रिबोटेबाट पश्चिमतर्फ पसेको छ । पूर्र्वी पहाडमा लगातारको वर्षात्सँगै कोसी नदीमा आएको बाढीले पछिल्लो समय कटान तीव्र पारेसँगै पश्चिम तटीय क्षेत्रमा नदी पसेको हो ।
डुम्रिबोटेमा कटान गर्दै आएको कोसी सोही स्थानबाट बेलका नगरपालिकाका क्षेत्रमा पसेको स्थानीयले बताएका छन् । कोसी पश्चिम पसेसँगै बेलका नगरपालिकाको १, २, ३, ८ र ९ वडाको धौरीटापु, श्रीलङ्का टापु, भागलपुर, करैया, तपेश्वरीलगायत बस्ती जोखिममा परेका छन् ।
नगरपालिकाले दुई दिनयता ती क्षेत्रका सर्वसाधणलाई सुरक्षित स्थानतर्फ जानका लागि सूचना जारी गरिरहेको नगर प्रमुख अशोक कार्कीले बताउनुभयो । उहाँका अनुसार अब तटीय क्षेत्रका २० हजारभन्दा बढी जनसङ्ख्या विस्थापनको उच्च जोखिमा छन् । अहिले करिब २० मिटर कटान गरेर कोसीको भङ्गालो पश्चिम पसेको छ ।
कटान जारी रहेकाले धारै परिर्वतन हुन सक्ने खतरा रहेको स्थानीयले बताएका छन् । अहिलेको अवस्थामा धारै परिर्वतन हुँदा छिमेकी जिल्ला सप्तरीको सप्तकोसी र कन्चनरुप नगरपालिकाका साथै सुनसरीमा समेत क्षति पुग्नसक्ने बताईएको छ ।
जोखिम क्षेत्रका सर्वसाधारणलाई घर छाडेर सुरक्षित स्थानमा जान सूचना जारी गरिएको नगरप्रमूख कार्कीले जानकारी दिनुभयो ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
