- शुक्रवार, कार्तिक १४ गते २०८३
TRENDING
चितवन, ३ जेठ । चितवनको एक मात्र गाउँपालिका इच्छाकामना गाउँपालिकाको अध्यक्षमा एमालेका उम्मेदवार दानबहादुर गुरुङले १ हजार ३२ मतको अग्रता लिएका छन् ।
वडा नम्बर ६ को गणना चलिरहँदा पछिल्लो मत परिणाम अनुसार गुरुङले नेपाली कांग्रेसकी अध्यक्षको उम्मेदवार गीताकुमारी गुरुङलाई फराकिलो मत अन्तरले पछाडि पारेका हुन् । एमालेका दानबहादुर गुरुङले ४ हजार २ सय ७८ मत ल्याउँदा कांग्रेसकी गीताकुमारीले ३ हजार २ सय ४६ मत ल्याएकी छिन् । अब ६ को गणना सकेर वडा नम्बर ७ को गन्न बाँकी रहेको छ । जम्मा तीन हजार २०० मत गन्न बाँकी रहँदा दानबहादुरको फराकिलो अग्रताले उनको जित सुनिश्चित जस्तै बन्दै गएको छ ।
सरकारी विद्यालयको प्रधानाध्यापक बनेका दानबहादुर पेन्सन पाक्न चार वर्ष मात्रै बाँकी रहँदा स्थायी जागिर छाडेर चुनावी मैदानमा एमालेबाट उत्रिएका हुन् । एमाले निकट शिक्षक संगठनको जिल्ला अध्यक्षसमेत रहेका गुरुङ सो क्षेत्रमा निकै लोकप्रिय नेता मानिन्छन् । अध्यक्षको प्रतिस्पर्धी गीताकुमारी पनि शिक्षा क्षेत्रबाट नै राजनीतिमा आएकी हुन् ।
त्यसैगरी उपाध्यक्षमा पनि एमालेकै माया सिलवालले ४ मतले अग्रता लिएकी छिन् । उनले ३ हजार ६ सय ८९ मत ल्याएकी छिन् भने गठबन्धनबाट माओवादी केन्द्रका प्रताप गुरुङले३ हजार ६८५ मत ल्याएका छन् । यसअघि २०७४ सालमा कांग्रेसले विजय हासिल गरेको इच्छाकामनामा अहिले एमालेले राम्रो मत ल्याएको छ । गाउँपालिकाको वडा नम्बर १ को अध्यक्षमा माओवादी, २, ३, ४ र ५ मा एमाले विजयी भएको छ । अब वडा नम्बर ७ गन्न बाँकी रहेको छ ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
