- शुक्रवार, कार्तिक १४ गते २०८३
TRENDING
कुरिनटार, ५ वैशाख । आसन्न स्थानीय तह निर्वाचनमा माओवादी केन्द्रबाट उम्मेद्वार आकांक्षी मध्य इच्छाकामना गाउँपालिकाको अध्यक्षमा २ र उपाध्यक्षमा ३ जनाको नाम सिफारिस गरेको छ। पार्टीको आज बसेको गाउँकमिटि बैठकले उनीहरुको नाम सिफारिस गरेको हो।
सिफारिस भएका नामहरुमा अध्यक्षमा प्रताप गुरुङ र ढलक बहादुर राना मगर रहेका छन्। गुरुङ पहिलो स्थानीय तह निर्वाचनमा माओवादी केन्द्रबाट अध्यक्ष उम्मेद्वार रही पराजित भएका थिए भने हाल पार्टीको प्रदेश कमिटि सदस्य छन्। मगर भने पार्टीको जिल्ला समन्वय समिति सदस्य तथा वडा नं. ७ को इन्चार्ज हुन्।
यस्तै उपाध्यक्षमा सावित्रा सिलवाल, सम्झना खड्का सिलवाल र पूजा सिटौला रहेका छन्। जसमा सावित्रा सिलवाल हाल पार्टीको प्रदेश कमिटि सदस्य हुन् भने उनी पनि पहिलो स्थानीय तह निर्वाचनमा माओवादी केन्द्रबाट उपाध्यक्ष उम्मेद्वार रही पराजित भएका थिए।
यसैगरी सम्झना खड्का सिलवाल १३–१४ वर्षको सानै उमेरमा तात्कालिन माओवादी जनयुद्धमा हिडेका पूर्व जनमूक्ति सेना हुन्। हाल उनी पार्टीको इच्छाकामना गाउँकमिटि उपाध्यक्ष हुन् भने अखिल नेपाल महिला संघ (क्रान्तिकारी)को अध्यक्ष समेत हुन्।
त्यस्तै पूजा सिटौला माओवादी केन्द्र इच्छाकामना गाउँकमिटिको सचिवालय सदस्य हुन्।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
