.png)
गोरखा, २४ फागुन । नेपाल वुद्धिजीवि परिषद जिल्ला कार्यसमिति गोरखाको अध्यक्षमा रमेश अधिकारी चयन भएका छन् ।
गोरखा सदरमुकाममा मंगलबार भएको परिषदको आठौँ जिल्ला अधिवेशनबाट अधिकारी अध्यक्षमा चयन भएका हुन् ।
परिषदको उपाध्यक्षमा कृष्णप्रसाद पोखरेल, सचिवमा कमलप्रसाद लामिछाने, उपसचिवमा रामचन्द्र अर्याल, इन्द्रा बानियाँ र कोषाध्यक्षमा खिलनाथ सिंखडा चयन भएका छन् ।
समितिको सदस्यहरुमा नवीन कट्टेल, होमनाथ रिमाल, रोशन बानियाँ, अशोक रानामगर, ज्ञानेन्द्र पोखरेल, सुशील अर्याल, अमृत लामिछाने र राजेन्द्र भट्ट रहेका छन् ।
संस्थाका निवर्तमान अध्यक्ष क्रषि खनालको अध्यक्षतामा भएको कार्यक्रममा प्रमुख अथिति नेकपा एमालेका केन्द्रीय सदस्य एवं गोरखा जिल्ला इन्चार्ज रामशरण बस्नेत, नेकपा एमालेको जिल्ला अध्यक्ष प्रेम गुरुङ, सचिव काजीराम रोका, उपाध्यक्ष कृष्ण नेपाली लगायको कार्यक्रममा उपस्थिति रहेको थियो ।
