- शनिवार, कार्तिक २२ गते २०८३
TRENDING
राकेश शर्मा, म्याग्दी, २४ फागुन । म्याग्दीको बेनी नगरपालिका ९ र १० का युवाहरू व्यावसायीक पशुपालन व्यवसायमा केन्द्रीत बनेका छन् । वैदेशिक रोजगारीमा गएर धेरै दुःख पाएर थोरै पैसा कमाउनुभन्दा घर गाउँमा नै व्यवसाय गरेर सन्तुष्टिले जीवन बाँच्नु ठिक भएको युवाहरू बताउँछन् ।
१५ लाखको लगानीमा पशु फर्म खोल्नुभएका बेनी नगरपालिकाका रमेश शर्माले परिवारसँगै बसेर काम गर्न पाउदा दुःख भएपनि सन्तुष्टि भएको बताउनुभयो । शर्माले गाउँमा नै उद्यमशिलता पशु तथा कृषि फर्म सञ्चालन गरेर मासिक एक लाख आम्दानी भइरहेको बताउनुभयो ।
पछिल्लो समय अधिकांश युवाहरूको रोजाइ वैदेशिक रोजगारी भइरहेको समयमा शर्मा जस्तै वडा नम्बर ९ मा मात्रै एक दर्जन युवाहरू व्यावसायीक कृषि तथा पशुपालनमा लागेका छन् । प्रशान्ती कृषि तथा पशुपन्छी फर्म सञ्चालन गर्दै आउनुभएका पूर्ण घर्तीले पशुपालन व्यवसायबाटै वार्षिक १० लाखभन्दा बढी आम्दानी भइरहेको बताउनुभयो ।
यसरी व्यावसायीक पशुपालनमा जोडिएका किसानले स्थानीय तहबाट अनुदान भने नपाएको गूनासो गर्ने गरेका छन् । गाउँमा नै व्यावसायीक रूपमा पशुपालन गरेकालाई अनुदान तथा प्राविधिक सहयोग दिएको खण्डमा अझै प्रोत्साहन मिल्ने उनीहरू बताउँछन् ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
