चितवन, १३ फागुन । चितवनमा आजदेखि कृषि सम्बन्धी बृहत अन्तर्राष्ट्रिय प्रर्दशनीको सुरु हुँदैछ । आज (शुक्रबार) देखि तीन दिनसम्म चल्ने बृहत अन्तर्राष्ट्रिय प्रर्दशनीको उद्घाटन बागमती प्रदेश कृषिमन्त्रि बसुन्धरा हुमागाईले गर्ने छ्न् ।

कृषि क्षेत्रको विकासका लागि मिडिया स्पेस सोलुसन्स प्रालि र फ्युचरेक्स ट्रेड फेयर एण्ड एभेन्ट्सको संयुक्त आयोजनामा प्रर्दशनी हुने भएको हो ।

प्रदर्शनी चितवन अन्तराष्ट्रिय औद्योगिक प्रदर्शनी परिसरमा आज फागुन १३ देखि १५ गते सम्म तीन दिन चल्नेछ । प्रदर्शनीमा स्वदेशी तथा विदेशी गरी एक सय ५० भन्दा बढी कृषि प्रविधी सम्बन्धी स्टलहरु रहेका छ्न् ।

 प्रर्दशनीबाट नेपालको कृषि क्षेत्रलाई उपयुक्त हुने प्रविधि तथा सेवाहरुको पहिचान गर्न मद्दत मिल्ने र तीनको प्रयोगले उत्पादन वृद्धि भई मुलुकलाई आत्मनिर्भर बन्न टेवा पुग्ने विश्वास मिडिया स्पेसका प्रवन्ध निर्देशक श्रीजल भट्टराईले जानकारी दिए ।

 प्रदर्शनीमा कृषि कर्मलाई सहज र किफायती बनाउन मद्दत पु¥याउने स-साना औजार, डेरी मेशिनरी तथा पशुपंक्षीपालन उद्योगमा प्रयोग हुने ठू-ठूला उपकरणहरु प्रदर्शन गरिने उनले बताए ।

त्यस्तै प्रदर्शनी परिसरमा हुने प्रदर्शनीमा होटल, रेष्टुँरामा आवश्यक मेसिन प्रदर्शनीका लागि छुट्टै परिसरको व्यवस्था समेत गरिएको छ । सो परिसरमा फुड र वेवरेजका ५० वटा स्टल रहेका छ्न् ।

ति स्टलहरुमा ५० वटा कम्पनीले होटल तथा रेष्टुँरामा फुड र वेवरेजका लागि प्रयोग हुने मेसिनहरु प्रदर्शनी गर्ने भट्टराईले जानकारी दिए । ति कम्पनीहरुले नयाँ नयाँ मेसिन बारे परामर्श समेत दिने भट्टराईले बताए ।

प्रर्दशनीबाट नेपालको कृषि क्षेत्रलाई उपयुक्त हुने प्रविधि तथा सेवाहरुको पहिचान गर्न मद्दत मिल्ने र तीनको प्रयोगले उत्पादन वृद्धि भई मुलुकलाई आत्मनिर्भर बन्न टेवा पुग्ने विश्वास गरिएको उनले बताए ।