- शनिवार, कार्तिक २२ गते २०८३
TRENDING
रोशन तिवारी, पर्वत, ४ फागुन । पर्वतको फलेवास नगरपालिकाको लेकाली बस्ती आकाशेपानी सङ्कलन गर्ने ट्याङ्की हिउँद लागेसँगै सुक्न थालेको छ ।
फलेबास नगरपालिका ३ शंकरपोखरीका तुल्सीदेबी शर्माले पानीको अभावमा कठ्याग्रिँदो जाडोमा बिहानै पधेँरामा पुग्नुपर्ने, पालो कुरेर पानी थाप्नुपर्ने बाध्यता रहेको बताउनुभयो । घरको आँगनमा बर्खाको पानी सङ्कलन गर्न बनाईएका घैँटा सुकेपछि खानेपानीको जोहो गर्न मुस्किल भएको उहाँको भनाइ छ ।
स्थानीयले लुगाधुने, नुहाउने र पशुचौपायलाई खुवाउने पानी गाग्रीमा बोकेर जोहो गर्दै आएका छन् । पानीको कुनै स्रोत नभएपछि २०६४ सालमा त्यहाँका ४० घरमा ५ हजार लिटरका सिमेन्टका घैँटा बनाईएको थियो । अधिकांशका घरका ट्याङ्की फुटेर पानी चुहिने समस्या देखिएको छ ।
बर्खाको पानी सङ्कलन गरेर हिउँदको खाँचो टार्दै आएका स्थानीयको जनजीवन प्रभावित भएको होमप्रसाद भुसालले बताउनुभयो ।खानेपानी सम्बन्धी काम गर्ने एउटा संस्थाले निशुल्क रुपमा घैँटा निर्माण गरिदिएको थियो । चुहिएका घैँटा टाल्न कतैबाट सहयोग नपाएको स्थानीय बताउँछन् ।
फलेवास नगरपालिकाका नगरप्रमुख पदमपाणी शर्माले खानेपानीको अभाव रहेको सो बस्तीमा चैत्र १५ भित्र सुविधा पु¥याउने गरि काम भइरहेको बताउनुभयो । पिउने पानीकै अभाव भएपछि तरकारी खेती गर्न र पशुपालन गर्न सकिएको छैन । पानीको अभावले बसाईसराई समेत बढेको छ ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
