- शनिवार, आश्विन ३ गते २०८३
TRENDING
सुबास दर्नाल, सोलुखुम्बु, २७ माघ । बजारमा सजिलै पाइने प्लास्टिकका गुन्द्री र म्याटको बढ्दो प्रयोगसँगै परम्परागत परालको गुन्द्री बुन्ने चलन हराउँदै गएको छ । गाउँघरमा केहीले आफूलाई आवश्यक पर्ने गुन्द्री मात्र बुन्दै आएका छन् ।
पुस माघको पारिलोमा घामसँगै घरको आँगनमा गुन्द्रीका तान तन्काएर गुन्द्री बुन्न महिलाहरुलाई भ्याई नभ्याइ भएपनि केही वर्षदेखि गुन्द्री बुन्ने चलन हराउँदै गएकोमाप्यदुधकोशी गाउँपालिका सोलुखुम्बुका निरकुमारी राईले बताउनुभयो ।
पछिल्लो समय परालको गुन्द्रीको सट्टामा प्लास्टिकजन्य गुन्द्रीको प्रयोग बढ्न थालेकाले पनि गुन्द्री बुन्ने चलन हराउँदै गएको हो । तर प्लास्टिकजन्य गुन्द्री भन्दा गाउँघरमा पाईने परालको गुन्द्री हरेक हिसाबले राम्रो हुने महाकुलुङ गाउँपालिकाका भिमकुमार कुलुङले बताउनुभयो । गाउँघरमा प्लास्टिकजन्य गुन्द्रीको प्रयोगले परनिर्भर बनाउनुका साथै पुख्र्यौली सीप, हस्तान्तरण गर्ने सँस्कृतिमा पनि कमी आएको नेचासल्याण गाउँपालिका ५ का जयन्ती राईले बताउनुभयो ।
आधुनिकता र सजिलोको नाममा मौलिक सँस्कृतिजोडिएका परम्परागत गुन्द्री, थर्कटी र चकटी बुन्ने र प्रयोग गर्ने चलन हराउँदै गएको छ । यसको संरक्षण र व्यवसायिकरणमा स्थानीय सरकारले चासो दिनुपर्ने नागरिकहरु बताउँछन् ।
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
