- शनिवार, कार्तिक २२ गते २०८३
TRENDING
सजना तिमल्सिना, काठमाडौँ, १० माघ । किसानलाई विद्युत महशुलमा ५० प्रतिशतसम्म सहुलियत छुट दिइएको भएपनि यसबारेमा धेरै किसान भने जानकार नभएको पाइएको छ । सिँचाइ सुविधा विस्तारका लागि सरकारले विजुली चाहिने किसानलाई महशुलमा सहुलियत दिएको छ ।
आलू, गोलभेंडा र सागको व्यावसायिक खेती गर्दै आउनुभएका काठमाडौँ तार्केश्वरका भक्तिनारायण महर्जनले विजुलीको प्रयोग गरेर पानी तान्नुपर्दा करिव ३ हजार विद्युत महशुल बुझाइरहेको बताउनुभयो । तर उहाँले सरकारले दिएको यो छुटबारे जानकारी नभएको बताउनुभयो ।
सरकारले भने खानेपानी, सिँचाइ, उद्योग लगायत सञ्चालनमा प्रयोग हुने विद्युतको महसुलमा छुट दिएको भन्दै यसले किसानलाई ठूलो राहत मिल्ने बताउँदै आएको छ । नेपाल विद्युत प्राधिकरणको प्रस्तावमा विद्युत नियमन आयोगले किसानको लागि विद्युत महसुल घटाएको आयोगका सचिव गोकर्णराज पन्तले बताउनुभयो ।
सरकारले किसानका लागि गरेको व्यवस्था किसानले नै थाहा पाएका छैनन् । जसले लक्षित कार्यक्रमको प्रभावकारिता माथि प्रश्न खडा गर्छ । नेपालमा कुल खेति योग्य जमिन मध्ये, हाल ४५ प्रतिशतमा सिँचाई सुविधा पुगको छ ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
