- शनिवार, कार्तिक २२ गते २०८३
TRENDING
उषा तामाङ, सीआईएन, काठमाडाँ, १ माघ । आज माघे सङ्क्रान्ति, आजका दिन विशेष महत्वका साथ तरुल, सखरखण्ड, पिडालु अर्थात कन्दमूल खाइन्छ । नेपालमा कन्दमुलको उत्पादन सन्तोषजनक रहे पनि व्यवसायीहरूका कारण आयात भने रोकिन सकेको छैन ।
पुस सकिँदै गर्दा र माघ लाग्दै गर्दा बजारमा तरुल, सखरखण्ड देख्न पाइन्छ । व्यवसायीहरू भने यस वर्ष कन्दमुलको बिक्री नभएको गुनासो गर्छन् । कालिमाटी फलफुल तरकारी बजार विकास समितिका अनुसार गत वर्ष १५ सय ८१ टन कन्दमुल विक्री भएको थियो । यसवर्ष १३ सय १९ टन तरुल, २ सय ९६ टन पिडाँलु र २ सय २६ टन सखरखण्ड बिक्री गर्ने योजना छ । यसमध्ये ६५ हजारभन्दा धेरै किलो तरुल र ७५ हजार किलो सखरखण्ड भारतबाट आएको समितिका सूचना अधिकारी विनय श्रेष्ठले बताउनुभयो ।
कालिमाटी आउनेमध्ये ४६ प्रतिशत सर्लाही र १९ प्रतिशत सुनसरी, धादिङको ७ दशमलव शून्य २ र चितवनबाट १ दशमलव ५ प्रतिशत कन्दमुल छ । नेपाली बजारमा पाइने सखरखण्डमध्ये भारतबाट ५५ प्रतिशतसम्म आयात हुने गरेको छ ।
विशेषगरि माघेसङ्क्रान्तिका दिन खाइने तरुलको माग स्वदेशी उत्पादनले धान्ने अवस्था छ तर पनि व्यवसायीहरूले भारतबाट १० प्रतिशतको हाराहारीमा ल्याउने गरेका छन् ।
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
