गोरखा, १० कार्तिक ।मंसीर दोस्रो साता दसौँ राष्ट्रिय महाधिवेशनको तयारी गरिरहेको नेकपा एमालेले मंगलबार गोरखाका नौ वटा पालिकामा अधिवेशन सम्पन्न गरेको छ ।

विविध कारणले चुमनुब्री र शहीद लखन गाउँपालिकाको अधिवेशन केही दिनपछि गर्ने एमालेका जिल्ला अध्यक्ष प्रेम गुरुङले जानकारी दिए ।

मंगलबार अबेर सम्पन्न गोरखा नगरपालिकाको अधिवेशनले देवीबहादुर बस्नेतको अध्यक्षतामा ७५ सदस्यीय नगर कमिटी गठन गरेको छ । जसको उपाध्यक्षमा राजेन्द्र तिवारी(वडा नं.३), सचिवमा शम्भू थापा(३), र उपसचिवहरुमा मानबहादुर राना(५) र कृष्णबहादुर बिक(११) सर्वसम्मत चयन भएका पार्टी नेता सम्झना देवकोटाले जानकारी दिइन् ।

त्यस्तै पालुङ्टार नगरपालिकाको नेकपा एमालेको अधिवेशनले वसन्तकुमार श्रेष्ठको अध्यक्षतामा ६४ सदस्यीय नगर कमिटी सर्वसम्मत चयन गरेको छ । समितिको उपाध्यक्षमा दिनेश अधिकारी( वडा नं. ९), सचिवमा प्रकाश न्यौपाने(४) र उपसचिवद्वयमा नारायण बराकोटी(६) र राममाया राना(१०) लाई सर्वसम्मत चयन गरेको नेता हरि काफ्लेले जानकारी दिए ।

त्यस्तै धार्चे गाउँपालिकाको नेकपा एमालेको अधिवेशनले सुकबहादुर घले(यार्सा)को अध्यक्षतामा ७० सदस्यीय गाउँ कार्यसमिति सर्वसम्मत चयन गरेको छ । जसको उपाध्यक्षमा धनकुमार घले(काशिगाउँ) र सचिवमा राम गुरुङ(लाप्राक)लाई चयन गरेको छ । समितिको उपसचिवहरुमा रमेश गुरुङ र वीरबहादुर गुरुङलाई सर्वसम्मत चयन गरेको एमालेका जिल्ला कमिटी सचिव कृष्ण नेपालीले जानकारी दिए ।

अजीरकोट गाउँपालिकामा सम्पन्न अधिवेशनले लीलाबहादुर सुनारको अध्यक्षतामा ४५ सदस्यीय गाउँ कमिटी सर्वसम्मत चयन गरेको छ । जसको उपाध्यक्षमा सिँहबहादुर तामाङ, सचिवमा सर्मिला तामाङ र उपसचिवहरुमा शेरबहादुर गुरुङ र कमल भटटलाई चयन गरेको नेता कमल दानीले जानकारी दिए ।

त्यस्तै सिरानचोक गाउँपालिकामा सम्पन्न अधिवेशनले विराज गुरुङको अध्यक्षतामा गाउँ कमिटी चयन गरेको छ । जसको उपाध्यक्षमा मोहन शाही, सचिवमा ज्ञानराज गुरुङ र उपसचिवहरुमा शिव पोखरेललाई सर्वसम्मत चयन गरेको छ ।

गण्डकी गाउँपालिकामा सम्पन्न अधिवेशनले विष्णु पन्तको अध्यक्षतामा ३१ सदस्यीय गाउँ कमिटी चयन गरेको छ । जसको उपाध्यक्षमा इन्द्रबहादुर बिक, सचिवमा भीमलाल श्रेष्ठ र उपसचिवहरुमा लीलाबहादुर पाण्डे र विमला चेपाङलाई सर्वसम्मत चयन गरेको अध्यक्ष पन्तले जानकारी दिए ।

त्यस्तै भीमसेन थापा गाउँपालिकामा सम्पन्न अधिवेशनले सुजन सिम्खडाको अध्यक्षतामा सर्वसम्मत गाउँ कमिटी गठन गरेको छ । जसको उपाध्यक्षमा नबराज पोखरेल, सचिव हरि सिंखडा र उपसचिवहरुमा कमल भट्ट र निलप्रसाद खनाल चयन भएका छन् ।

त्यस्तै बारपाक सुलिकोट गाउँपालिकामा सम्पन्न अधिवेशनले हरि बस्नेतको अध्यक्षतामा ३५ सदस्यीय गाउँ कमिटी चयन गरेको छ । कमिटिको उपाध्यक्षमा खेम घले, सचिवमा सुजन गुरुङ र उपसचिवमा हरिकुमार श्रेष्ठ चयन भएका छन् ।

यस्तै आारुघाट गाउँपालिकामा मंगलवार राती अवेर अधिवेशन भएको छ । अधिवेशनले मेनबहादुर अधिकारीका अध्यक्षतामा कमिटि गठन गरेको एमालेका युवा नेता मोहन भट्टराईले बताए । कमिटिको उपाध्यक्षमा राजेन्द्र राना,सचिव सुर्य दाहाल, उप सचिव सिरबल बराम, प्रेम गुरुङ चयन भएका छन् ।
दरौदी दैनिकबाट