- शनिवार, कार्तिक २२ गते २०८३
TRENDING
गोरखा, २१ असोज । मुद्दा परेर बल्झिएको राप्रपा गोरखाको जिल्ला अधिवेशन बुधबार सम्पन्न भएको छ । होटल क्राउन रिसोर्टमा सम्पन्न अधिवेशनले भगवानदास मल्लको अध्यक्षतामा ३१ सदस्यीय नयाँ कार्यसमिति चयन गरेको छ ।
अध्यक्षका लागि भगवानदास मल्ल, रामराज कोइराला, सुदीप ढकाल, अम्बिका रुपाखेती, शंकरराज अधिकारीको उम्मेदवारी परेकामा मल्लको नाममा सर्वसम्मति जुटेको निर्वाचन समितिका संयोजक ठाकुर लामिछानेले जानकारी दिए । उपाध्यक्ष, सचिव, कोषाध्यक्ष, सहसचिव लगायतका पदमा नयाँ कार्यसमितिले मनोनित गर्ने व्यवस्था रहेको उनले बताए ।
केन्द्रीय पर्यवेक्षकहरु राजेन्द्र अधिकारी र केदार फुयाँल तथा केन्द्रीय सदस्यहरु मोहन श्रेष्ठ, हिक्मतजंग भण्डारी, महेश्वर रोका, हरिराम आचार्य राजेन्द्र शाहको उपस्थितिमा अधिवेशन सम्पन्न भएको हो ।
अधिवेशनमा निर्वाचन समितिले अध्यक्ष लगायत सदस्यहरुको नामावली घोषणा गरेपछि असन्तुष्ट समूहले होहल्ला, नारावाजी गरेका थिए । साथै सो समूहले निर्वाचन समितिले तयार गरेको माइन्यूट च्यातेको थियो । स्थितिलाई नियन्त्रणमा लिन प्रहरी परिचालन गर्नुपरेको थियो ।
यसअघि गत भदौ २८ गते सम्पन्न भएको भनिएको अधिवेशले सुदीप ढकाललाई निर्वाचित गरेको थियो । तर निर्वाचन प्रक्रियाप्रति असन्तुष्टि जनाउँदै एक टोलीले केन्द्रीय निर्वाचन समितिमा उजुरी दिएपछि समितिले पुन अधिवेशन गर्न निर्देशन गरेको थियो ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
