जनकपुर, १८ असोज । देश रदेशबासीको सुरक्षामा रातदिन खटिनु पर्ने नेपाल प्रहरी पछिल्लो समय कमाउँ धन्दामा लागेपछि विवादमा तानिएको छ । प्रहरी महानिरीक्षक शैलेश थापा क्षेत्री देखि प्रहरी संगठनमा जागिर खाने तल्लो तह सम्मका हरेक सुरक्षाकर्मी अहिले कमाउ धन्दामा लाग्दा दक्षिण यसियामा नाम कहलिएको नेपाल प्रहरी विवादित बनन थालेको छ ।

आफुलाई दुधले नुहाएको स्वच्छ छवीको दाबी गर्ने प्रदेश २  प्रदेश प्रहरी कार्यालय जनकपुरका प्रहरी प्रमुख डिआइजी उमेश रञ्जितकार पनि पछिल्लो समय कमाउ धन्दामा लिप्त भएका छन् । कहिले प्रहरी स्कुलको विषयमा कमिसन डिल गर्ने त कहिले चाडपर्व लगायतका नाममा तस्करी गर्न लाइन मिलाई दिने गरेका कारण विवादमा तानिएका छन् । प्रहरी स्कुलको विषयमा आफ्नोनाम बेचेर रकम वार्गेनिङ गरेको आरोपमा एक जना नागरिकलाई प्रहरीले नियन्त्रणमा लिएर डिआईजी रञ्जीतकारलाई जोगाउने खेल समेत शुरु भएको छ ।

डिआइजी रञ्जितकारले सुरुमा केही घुुमुवालाई कारबाही गरेको नाटक गरेपनि अहिले आफैं घुुमुवा प्रयोग गर्न थालेका छन् । प्रदेश २ का ८ जिल्लामा डिआईजीका घुमुवाको असुली धन्दा र तसकमरहरुलाई लाईन मिलाई दिने गरेका कारण तस्करी बढेको छ । मुद्दामा हुने चलखेल रोखिएको छैन । कतै प्रहरीकै मिलेमतोमा पत्रकारलाई फसाउने षडयन्त्र समेत भएको छ । धनुषामा लागु औषध मुद्दामा नै चलखेल भएको प्रष्ट भएको छ । तथापी पनि दोषी एसपी प्रकाश रानाभाटलाई गृह मन्त्रालयले उच्च तहको विभूषण प्रदान गरेको छ ।

डिआईजी रञ्जीतकारका घुमुवा रामसेवक ठाकुरले प्रदेशभरी घुमुवा आतंक मच्चाएका छन् । उनले दैनिक उपभोग्य सामाग्री लिएर आएका एक नेपालीलाई आफुलाई ३बोतल कोरोक्स ल्याउन भन्दै रोकेका र कोरोक्स ल्याई दिएपछि तेरो ५ किलो चिनी भन्सार बुझाउछु भन्दै धम्क्याएका स्थानियले गुनासो गरेका छन् । त्यति मात्र नभई डिआईजी रञ्जीतकारका घुमुवाहरुले प्रदेशका उद्योगधन्दा कलकारखानाहरुबाट समेत कमिसन समेत लिने गरेका पाईएको छ ।
अनियमितताको चर्चा चलेपछि प्रदेश २ मा एसएसएसपी भीम ढकालको नेतृत्वमा टोली पठाइएको थियो । तर टोलीले संस्थागत रुपमा भ्रष्टाचार मौलाउंदा पनि केही पत्ता लगाउन नसकेर फर्किएको हो ।

डिआईजी रञ्जीतकारले सानातिना तस्करी रोकेर ठूला तस्करीमा साथ दिएका छन् । डिआइजी रञ्जीतकारलाई प्रहरी प्रधान कार्यालयको छड्के टोलीले उन्मुक्ति दिएपछि प्रहरी प्रधान कार्यालयको समेत संग्लग्नता अनियमितताभई रहेको आशंका शुरु भएको छ ।