- मंगलवार, कार्तिक १८ गते २०८३
TRENDING
बाँझो खेतझैं लाग्ने
कागजका खाली पानाहरुमा
कसरी चिप्लन्थ्यो
मेरो कलमको निब
कसरी थिच्थे मेरा औंलाहरुले
कम्प्युटरको किबोर्ड
पोखिएझैं बिहानको घाम
हिमालभरि
पहाडभरि
फाँटभरि
कसरी पोखिन्थें म
कविताका प्रिय हरफहरुमा ?
कसरी आकार दिन्थें म
मेरा सपनाहरुलाई
कसरी भर्थे म
तिनमा प्राण
कसरी रचना गर्थे म
एक नयाँ संसार
पट्ट फुटेझैं गर्भिणी धर्ती
नयाँ सिर्जनामा
कसरी फुट्थें म
नयाँ नयाँ रचनाहरुमा
कसरी भन्थें म
आफ्ना सुख–दुखका कथा
कसरी रुन्थें दुखमा
र खुसीमा हाँस्थें ?
कसरी वाणी दिन्थें म
प्रेमका अमर गीतहरुलाई
आफ्नो हृदयको बोझलाई टक्टक्याएर
कसरी हलुङ्गो हुन्थें म
र रातमा निदाउँथें
ओ मेरो मातृभाषा
भन त
तिमी हुन्नथ्यौ भने
के हुन्थें म
कसरी रचना गर्थें आफ्नो अस्तित्वको
यो धरामा
कहाँ हुन्थें म ?
०००
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
