- शनिवार, कार्तिक २२ गते २०८३
TRENDING
चितवन, १३ भदौं । चितवनमा परेको भारी वर्षाको कारण जनजीवन प्रभावित भएको छ ।
चितवनका सरकारी कार्यालयहरुमा सेवाग्राहीको उपस्थिति पानीको कारणले निकै कम थियो भने मुख्य बजारी क्षेत्रमा मानिसको आवागमन निकै घटेको थियो । रत्ननगर, भण्डारा, टाँडी, नारायणगढ, माडीको बसन्तपुर, पश्चिम चितवनको चनौली, मुग्लिनलगायतका बजारी क्षेत्रमा धेरै कम मानिस सडकमा देखिए । पहाडी क्षेत्रमा परेको पानीले नारायणी नदीमा बहाब बढेको छ भने गैँडाकोट क्षेत्र पनि जलमग्न भएको छ ।
देशभरको तथ्यांकलाई विश्लेषण गर्दा पछिल्लो २४ घण्टामा सबैभन्दा बढी कपिलवस्तुमा १८२ मिलिमिटर पानी परेको छ । चितवनमा १२७, पाल्पामा १२४ र नवलपरासीमा ११५ मिलिमिटर पानी परेको छ ।
चितवनमा कपिलवस्तु पछि नेपालमै धेरै पानी परेको जल तथा मौसम विभागले जनाएको छ । चितवनमा अहिलेसम्म कुनै मानवीय क्षति भएको समाचार भने आएको छैन । भरतपुरबाट माडी जाने बाटो खोलामा बाढी आउँदा अवरुद्ध छ भने बुटवल जाने सडक पनि थुम्सी खोलामा डाइभर्सन भत्कदा अवरुद्ध छ ।
मौसम विज्ञान विभागले यो वर्ष औसतभन्दा बढी नै वर्षा हुने आँकलन गरेको थियो । जल तथा मौसम विज्ञान विभाग मौसम पूर्वानुमान महाशाखाले मंगलबारबाट भने मौसम विस्तारै खुल्दै जाने जनाएको छ ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
