- शुक्रवार, कार्तिक २१ गते २०८३
TRENDING
चितवन, १७ साउन । गण्डकी प्रदेश प्रमुख पृथ्वीमान गुरुङलाई तमू ह्युल छोँज धीँ, गुरुङ राष्ट्रिय परिषद चितवनले स्वागत तथा सम्मान गरेको छ । परिषदले गरेको सम्मान कार्यक्रममा प्रमुख गुरुङले सिद्धान्तमा आधारित रहेर काम गर्ने बताए । उनले नेपाल सरकारले आफूलाई योग्य सम्झेर अवसर दिएको हुँदा आफ्नो जिम्मेवारी इमान्दारिताका साथ पूरा गर्ने पनि स्पष्ट पारे। आफू नेपाली कांग्रेसको प्रतिनिधि भए पनि अब जनताको प्रतिनिधि भएकोले एउटा मात्रै पार्टीको प्रतिनिधि नरहेको उनको भनाइ छ।
उनले राजनीतिक दलहरुलाई जातीयताको नाममा राजनीति नगर्न पनि सुझाव दिएका छन्। देशमा एउटा मात्रै जातिको मुद्धालाई लिएर राजनीति गर्दा अर्को जाति समस्यामा पर्न सक्ने कुरालाई दृष्टिगत गर्दै कुनै पनि दल या नेताले जातीयतालाई राजनीतिको थलो बनाउन नहुने उनले बताए। जनताको प्रतिनिधि भएपछि जनताकै चाहनाअनुसारको काम गर्नुपर्ने प्रदेश प्रमुख गुरुङको भनाइ छ।
गण्डकी प्रदेश प्रमुखमा नियुक्त भएपछि गृहजिल्ला चितवन आएका गुरुङलाई स्वागत तथा सम्मान गरिएको ह्युल छोँज धीँ चितवनका अध्यक्ष गणेशबहादुर गुरुङले जानकारी दिए। नेपाली कांग्रेस चितवनका निवर्तमान सभापति टेकप्रसाद गुरुङले ५५ वर्षदेखिको संघर्षलाई बल्ल सरकारले देखेको बताए। गुरुङ समुदायबाट राजनीति गर्नेहरु आर्थिक, शैक्षिक हिसाबले सक्षम भएर पनि हालसम्म नपाएको अवसर अहिले पाएको उनको भनाइ छ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
