तनहुँ, ८ साउन । नेपाल रेडक्रस समाज तनहुँद्धारा कोरोना अवधिमा भएको कार्यक्रमको प्रतिवेदन पेश गरेको  छ । तनहुँ शाखाको सभापति कृष्णहरि वाग्लेको अध्यक्षतामा भएको उक्त कार्यक्रममा कोभिडको अवधिमा रेडक्रसले समाजिक उत्तरदायित्व सम्वन्धि गरेको कार्यक्रमको प्रतिवेदन सार्वजनिक गरेको हो । 

२०२७ सालमा स्थापित रेडक्रस तनहुँले सेवा मुलक र विकास सम्वन्धि कार्य गर्दे आएको छ । यस कोरोनाको अवधिमा रेडक्रस तनहुँ शाखाले संगठन विकास, विपद व्यवस्थापन, स्वास्थ्य तथा सामुदायिक हेरचाह, यसको सिद्धान्तको वारेमा विभिन्न कार्यक्रम गरेको छ । 

सोही कार्यक्रम अन्र्तगत तनहुँमा कोरोना रोकथामको उपायहरु एफ एम लगायत मिडियामा जनचेतना फैलाउने, उपशाखाहरु देवघाट, कोटदरवार र दुम्सीकोटको एम्वुलेन्सका लागी रेगुलेटर सहितको सिलिण्डर वितरण, २८ वटा उपशाखाहरुमा मास्क, सेनिटाईजर लगायतको स्वास्थ्य समाग्री वितरण, स्वंयसेवक परिचालन, खोप लगाउनका लागी प्रेरित गर्ने, वन्दिपुर र पुरनडिही अस्पतालमा अक्सिजन कन्सेल्टर सहयोग, अक्सिजन सिलिण्डर वितरण गरेको शाखाले जनाएको छ । 

यसैगरि शाखाले सोही अवसरमा नेपाल पत्रकार महासंघ तनहुँ शाखालाई २००० थान नर्मल मास्क र ७२ थान सेनिटाईटर संस्थाका अध्यक्ष उज्जल पौडेललाई हस्तान्तरण गरेको छ ।

सो स्वास्थ्य समाग्री वुझदै संस्थाका अध्यक्ष उज्जल पौडेलले रेडक्रसले गरेको समाजिक उत्तरदायित्व अन्र्तगतको कार्यक्रमले जनतामा राहत भएको वताउनुभयो । कार्यक्रममा शाखाका मन्त्री चिनु पोख्रेलले भविश्यमा पनि विभिन्न कोभिड रोकथामका लागी विभिन्न कार्यक्रम र सहयोग गर्ने वताउनुभयो ।