संजिवनी दिदिबहिनी केन्द्र नेपालको समन्वयमा मादी खोलाले विस्थापित २० परिवारलाई राहत प्रदान

इच्छाकामना न्युज

७, आषाढ २०७८

संजिवनी दिदिबहिनी केन्द्र नेपालको समन्वयमा मादी खोलाले विस्थापित २० परिवारलाई राहत प्रदान

पोखरा, ७ असार । कास्की मादि खोलाको बाढिपहिरोले विस्थापित २० घर परिवारलाई संजिवनी दिदिबहिनी केन्द्र नेपालको समन्वयमा राहत प्रदान गरिएको छ। केन्द्रले आईतबार कास्की मादी गाउँपालिका १ का मादी खोलाको बाढिपहिरोले विस्थापित परिवारलाई राहत वितरण गरिएको हो।

पिडितहरुलाई चामल १ बोरा, दाल २ केजी, तेल १ लिटर, नुन १ केजी, मस्यौरा १ प्याकेट लगायतका राहत सामाग्रीहरु प्रदान गरिएको केन्द्रका सचिव कौशिला गुरुङले जानकारी दिए।

बाढि पहिरो पिडितलाई सहयोग गर्न अष्ट्रेलिया बस्ने कास्की स्थित सिक्लेस, ताङ्गतिङ, पार्चे, खिलाङ्ग गाउँले परिवार मार्फत आएको सहयोग रकमबाट केन्द्रले पिडितहरुलाई सहयोग गरिएको उनले बताए।

यस्तै सो सहयोग अस्ट्रेलियाबाट मादी गाउँ पालिका १ र २ का अमृता गुरुङ्ग सिक्लेश, शेजङ्ग गुरुङ्ग ताङ्गतिङ, सिमा गुरुङ्ग पार्चे, चुम गुरुङ्ग सिक्लेसको संयोजकत्वबाट प्राप्त भएको थियो।

यसैबिच सहयोग गर्ने सहयोगी दाताहरुलाई केन्द्रका अध्यक्ष बिना गुरुङले धन्यवाद दिएका छन्। अध्यक्ष गुरुङले कोरोना कहर र बाढिपहिरोको यो विषम परिस्थितिमा पिडामा परेकाहरुलाई सहयोग गर्न पनि सबैलाई आग्रह गरेका छन्।

राहत वितरण कार्यक्रममा केन्द्रका कोषाध्यक्ष लक्ष्मी गुरुङ्ग लगायत जनप्रतिनिधि टीका राम गुरुङ्ग, समाजसेबि दान बहादुर गुरुङ्गको रोहबरमा राहत बितरण गरिएको हो।