- शनिवार, आश्विन ३ गते २०८३
TRENDING
स्याङ्जा, १३ कार्तिक
पिङ खेल्ने बिषयमा विवाद हुदा स्याङ्जामा एक जनाको मृत्यु भएको छ।
प्रहरीका अनुसार सोमबार राति पुतलीबजार नगरपालिका–६ टक्सार कोल्डाँडा पहिरोस्थित मादक पदार्थ सेवन गरी पीङ खेल्ने क्रममा विवाद भएको थियो।
सोही विवादको निहुँमा पछि कुटपिट गर्दा सोही स्थान बस्ने २९ वर्षीय सूर्य बहादुर गुरुङ गम्भीर घाइते भएका थिए। घाइते गुरुङलाई तत्काल जिल्ला अस्पताल लगिएपनि अस्पतालले मणिपाल शिक्षण अस्पताल पोखरा रिफर गरेकोमा उपचारका क्रममा उनको मंगलबार राति मृत्यु भएको हो।
यता स्याङ्गजाका प्रहरी प्रवक्ता राजेन्द्र अधिकारीका अनुसार दशैंको समय खानपीनको कार्यक्रम सकेर पिङ खेल्न गएको र फर्कने क्रममा हानाहान हुँदा घटना घटेको जानकारी दिए। अधिकारीले घटना हुनुमा पुरानो रिसिवी पनि हुन सक्ने बताए ।
प्रहरीले घटनामा संग्लग्न रहेको आशंकामा थप २ जनालाई नियन्त्रणमा लिएको छ । पक्राउ पर्नेमा पुतली बजार नगरपालिका वडा नं –६ पुरीस्वारा बस्ने ३४ वर्षीय टाउके भन्ने ईन्द्रजित गुरुङ र ३४ वर्षीय गिर बहादुर गुरुङ रहेका छन् । घटनाका बिषयमा थप अनुसन्धान गरिरहेको प्रहरीको भनाई छ ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
