- मंगलवार, कार्तिक १८ गते २०८३
TRENDING
पोखरा । वरिष्ठ सञ्चारकर्मी तथा निवर्तमान सार्वजनिक सेवा प्रसारण नेपालकी संस्थापक बोर्ड सदस्य अनिता गुरुङलाई ‘सफल तमु नारी सम्मान–२०८३’ प्रदान गरिने भएको छ।
तमु प्ये ल्हु संघ केन्द्रीय महिला समितिद्वारा सञ्चालित हर्क रन अक्षय कोषबाट प्रदान गरिँदै आएको सफल नारी सम्मान कार्यक्रमअन्तर्गत गुरुङलाई सम्मान गर्न लागिएको हो।
तमु प्ये ल्हु संघको २५औँ रजत जयन्ती तथा आठौँ महाधिवेशन–२०८३ को अवसरमा आगामी २०८३ साल असोज ३ गते आयोजना हुने कार्यक्रममा वरिष्ठ सञ्चारकर्मी गुरुङलाई सम्मान गरिने जनाइएको छ।
कार्यक्रममा माननीय बिना गुरुङ प्रमुख अतिथिका रूपमा सहभागी हुने कार्यक्रम रहेको छ।
सञ्चार क्षेत्रमा लामो समयदेखि सक्रिय रहँदै समाज र समुदायमा पुर्याएको योगदानको कदरस्वरूप गुरुङलाई ‘सफल तमु नारी’ सम्मान प्रदान गर्न लागिएको आयोजकले जनाएको छ।
तमु प्ये ल्हु संघ केन्द्रीय महिला समितिद्वारा हर्क रन अक्षय कोषमार्फत प्रदान गरिने उक्त सम्मान कार्यक्रमको निर्णय अध्यक्ष बुद्धिमाया गुरुङ, कोषाध्यक्ष शारदा गुरुङ र महासचिव छु माया गुरुङ लगायत समितिको नेतृत्वमा गरिएको हो।
तमु समुदायका महिलाहरूले विभिन्न क्षेत्रमा हासिल गरेका उपलब्धि र योगदानलाई सम्मान तथा प्रोत्साहन गर्ने उद्देश्यले ‘सफल तमु नारी सम्मान’ कार्यक्रम सञ्चालन हुँदै आएको आयोजकले जनाएको छ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
