- शनिवार, कार्तिक २२ गते २०८३
TRENDING
माधव बेल्बासे, कपिलवस्तु, १८ जेठ । स्वास्थ्यकर्मी प्रमोद पौडेल शिवराज आधारभूत अस्पतालमा कार्यरत हुनुहुन्छ । कोरोना अस्पतालको रुपमा निर्माण गरिएको अस्पताल अहिले आइसोलेशनको रुपमा प्रयोग गरिँदै आएको छ ।
यसै आइसोलेसनमा कार्यरत पौडेल कोरोना सङ्क्रमित भएको दश दिन पुग्यो । कोरोना सङ्क्रमितहरुको उपचार गर्दागर्दै सङ्क्रमित भएका पौडेल अहिले होम आइसोलेशनमा हुनुहुन्छ । सङ्क्रमितकै उपचार गरिरहेका पौडेल अहिले आफ्नै उपचार गरिरहनुभएको छ ।
यती मात्र हैन पौडेलले कोरोना सङ्क्रमणका कारण मृत्यु भएकाहरुको शव व्यवस्थापनमा समेत खटिनुभएको थियो । आइसोलेशनमा मृत्यु भएकाहरुको शवलाई जिम्मेवारी पूर्वक व्यवस्थापन गरिरहेको पौडेललाई कोरोना सङ्क्रमण देखिएको शिवराज नगरपालिकाका जनस्वास्थ्य अधिकृत चूडामणि भट्टराईले बताउनुभयो ।
अहिले सम्म यस अस्पतालमा मृत्यु भएका ६ जना सङ्क्रमितको शवलाई स्वास्थ्यकर्मीले व्यवस्थापन गरेको उहाँले बताउनुभयो । दोस्रो चरणको कोरोना महामारी बाट थलिएका सङ्क्रमितहरुको सेवामा निरन्तर खटि रहँदा अन्ततः आफू सङ्क्रमित भएको पौडेलले बताउनुभयो । आफ्नो उच्च मनोबल को कारण महामारीलाई परास्त गर्ने पौडेलले बताउनुभयो ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
