सोलुखुम्बुमा कोरोनाका कारण गाउँ फर्कनेहरु बढे, खेतीपाती गर्ने पनि बढ्दै

इच्छाकामना न्युज

१८, जेठ २०७८

सोलुखुम्बुमा कोरोनाका कारण गाउँ फर्कनेहरु बढे, खेतीपाती गर्ने पनि बढ्दै

सुबास दर्नाल, सोलुखुम्बु, १८ जेठ । कोरोना भाइरस कोभिड १९ का कारण देशका ७५ वटा जिल्लालाई निशेधाज्ञा गरिएको छ । यस संगै विभिन्न पेशा व्यवसायमा आवद्ध मानिसहरु शहरबाट गाउँमा फर्केका छन् । अहलिे खेतीपाती लगाउने समय भएकाले पनि कृषि कर्ममा रहेकाहरुको लागि भने निषेधाज्ञा सुनौलो अवसर भएको छ ।

सोलुखुम्बु नेचासल्यान गाउँपालिका ३ बेशीगाउँ निबासी सुरेन्द्र फुयाल पेशाले शिक्षक हुनुहुन्छ । साथमा उहाँले केरा खेती पनि गर्दै आउनुभएको छ । कोरोनाको कारण शहरमा रहेका छोराछोरी पनि गाउँ फर्किएका छन् । जसले गर्दा खेतीपातीमा सजिलो भएको उहाँ बताउनुहुन्छ ।

नेपालका लगभग ६५ प्रतिशत मानिस कृषी पेशामा आवद्ध छन । तर विभिन्न कारणले गर्दा गाउँघरको खेतलाइ बाझो राखेर लाखौ युवाहरु विदेश पलयान भएको छन् । कतिपय भने पढाइ र रोजगारीको शिलशिलामा शहरमा पनि छन् ।

अहिले भने विदेशबाट र शहरबाट फर्किएर गाउँ जानेहरु बढेका छन् । गाउँ फर्किएकाहरुले कृषिको कामलाइ प्राथमिकतामा राखेको खिजी देम्बा गाउँपालिका वडा नम्बर १ रगनीका पारस श्रेष्ठले बताउनुभयो ।

देशका विभिन्न ठाउँमा निशेधाज्ञा जारी गरिए पछि विभिन्न पेशा व्यवसाय बन्द हुदा आम्दानी समेत बन्द छ । जसको परिणाम स्वरुप गाउँ केन्द्रित हुनेहरुको सङ्ख्या बढेको र उनीहरु कृषी तथा पशुलान गर्न तर्फ लागेको खोटाङका कृषक जगत किरातीले बताउनुभयो ।

कोरोना भाइरस कोभिड १९ ले विभिन्न पेशा व्यवासयमा संकट सृजना हुनथालेपनि कृषी पेशामा लागेका मानिसहरुलाई भने कम प्रभाब परेको छ । कोरोना पछि गाउँ फर्कने र खेतीपाती गर्नेहरु बढेका छन् ।