- शनिवार, कार्तिक २२ गते २०८३
TRENDING
हेटौडा, २४ बैशाख । गृहमन्त्री रामबहादुर थापाले राष्ट्रिय सभा सदस्य उपनिर्वाचनका लागि नेकपा एमालेको तर्फबाट उमेदवारी दर्ता गराउनु भएको छ । आज थापाले हेलिकप्टरबाट निर्वाचन कार्यालय मकवानपुरमा गएर उमेदवारी दर्ता गराउनु भएको हो ।
थापाको प्रस्तावक वागमती प्रदेशका मुख्यमन्त्री डोरमणी पौडेल बस्नु भएको छ भने सामाजिक विकासमन्त्री सरस्वती बस्नेत समर्थकमा बस्नु भएको छ ।
त्यसैगरि, वाग्मती प्रदेश अन्तर्गत आउँदो जेठ ६ गते हुने राष्ट्रिय सभा सदस्य उपनिर्वाचनका लागि डा. खिमलाल देवकोटाको पनि उमेदवारी दर्ता भएको छ । उहाँ नेपाली काँग्रेस, नेकपा माओवादी केन्द्र जनता समाजवादी पार्टी जसपाका तर्फबाट साझा उमेदवार हुनुहुन्छ । तर उहाँले स्वतन्त्र रुपमा उमेदवारी दर्ता गराएको निर्वाचन कार्यालय मकवानपुरले जनाएको छ ।
त्यसैगरि नेपाल मजदुर किसान पार्टीले वैकल्पिक केन्द्रीय सदस्य कृष्णबहादुर तामाङलाई उमेदवार बनाएको छ । तामाङलाई उमेदवार बनाउने निर्णय भएको नेमकिपाले जनाएको छ । माओवादीले थापालाइ कारबाही गरेपछि रिक्त भएको पदमा उपनिर्वाचन हुन लागेको हो ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
