गोरखामा सक्रिय कोरोना संक्रमितको संख्या १ सय कट्यो

इच्छाकामना न्युज

१९, बैशाख २०७८

गोरखामा सक्रिय कोरोना संक्रमितको संख्या १ सय कट्यो

गोरखा, १९ बैशाख । गोरखा जिल्लामा पनि दिनानुदिन कोरोना संक्रमितको संख्या बढ्दै गएको छ। पछिल्लो अपडेटका अनुसार सक्रिय संक्रमितको संख्या १ सय कटेको छ । जिल्लामा हाल सक्रिय संक्रमितको संख्या १ सय ६ रहेको स्वास्थ्य कार्यालय गोरखाले जनाएको छ।

जिल्लाभित्रै स्वाब संकलन गराएकामध्ये ९६ जना र जिल्ला बाहिर भएको परिक्षणमा २२ जनामा कोरोना संक्रमण पुष्टि भएको कार्यालयका महामारी फोकल पर्सन नारायणबाबु अर्यालले बताउनुभयो।

जिल्लाभित्रै कोरोना परिक्षण गरिएकामध्ये गोरखा नगरपालिकाका १० महिला र १७ पुरुष, पालुङटार नगरपालिकाका ५ महिला र २ पुरुष, भिमसेन थापा गाऊँपालिकाका ३४ महिला र २६ पुरुष, गण्डकीका १ महिला र आरुघाट गाऊँपालिकाका १ पुरुषमा संक्रमण पुष्टि भएको छ।

यस्तै जिल्ला बाहिर भएको परिक्षणमा गोरखा नगरपालिकाका ६ पुरुष र १ महिला, पालुङटार नगरपालिकाका ३ पुरुष र २ महिला, भिमसेन थापा गाऊँपालिकाका ४ पुरुष र १ महिला, गण्डकीका ३ पुरुष, अजिरकोट र सिरानचोकका १र१ जना पुरुष र आरुघाटकी १ महिलामा संक्रमण पुष्टि भएको छ ।

बाहिर संक्रमण पुष्टि भएर जिल्लास्थित होम आइसोलेशनमा बसेकामध्ये ४ जनाको मृत्यु भएको छ । गोरखा नगरपालिकाका एक पुरुष, पालुङटार नगरपालिकाकी एक महिला र भिमसेन थापा गाऊँपालिकाका एक पुरुषको मृत्यु भएको हो भने गोरखा नगरपालिकाका एक पुरुषले होम आइसोलेशनमै आत्महत्या गरेका छन् ।

जिल्लामा कोरोना परिक्षणका लागि स्वाब संकलन गरिएकामध्ये ८३ जनाको रिपोर्ट प्राप्त हुन बाँकी रहेको स्वास्थ्य कार्यालयका महामारी फोकल पर्सन अर्यालले जानकारी दिनुभयो ।

च्वाईस एफएमबाट