Logo

मंगलवार, मंसिर २ गते २०८३

images
२०८३, मंसिर २ गते
images

सरकारविरुद्ध आन्दोलनमा उत्रिनुपर्ने अवस्था आउन सक्छ,तयार रहन ओलीको निर्देशन

सरकारविरुद्ध आन्दोलनमा उत्रिनुपर्ने अवस्था आउन सक्छ,तयार रहन ओलीको निर्देशन

images

इच्छाकामना न्युज

२, मंसिर २०८३
सरकारविरुद्ध आन्दोलनमा उत्रिनुपर्ने अवस्था आउन सक्छ,तयार रहन ओलीको निर्देशन
images

काठमाडौं। नेकपा (एमाले)का अध्यक्ष केपी शर्मा ओलीले जुनसुकै समयमा सरकारविरुद्ध आन्दोलनमा उत्रिनुपर्ने अवस्था आउन सक्ने भन्दै मानसिक र सांगठनिक रूपमा तयार रहन पार्टीपंक्तिलाई निर्देशन दिनुभएको छ । आईतवार काठमाडौंमा अखिल नेपाल किसान महासंघको बैठकलाई सम्बोधन गर्दै उहाँले यस्तो निर्देशन दिनुभएको हो । उहाँले मुलुकको तत्कालीन राजनीतिक अवस्थालाई मध्यनजर गरेर आन्दोलनमा उत्रिनुपर्ने पार्टीसामु मुख्य कार्यभार रहेको भन्दै त्यसको लागि तयारी अवस्थामा बस्नुपर्नेमा उहाँको जोड छ । उहाँले आन्दोलन सधैं लामो तयारीपछि मात्रै नभई परिस्थिति असह्य भएपछि तत्काल शुरु गर्नुपर्ने अवस्था आउनसक्ने समेत बताउनु भयो ।

अध्यक्ष ओलीले सन् १९१७ को रुसी विद्रोहको उदाहरण दिँदै निर्वाचन, जनविद्रोह तथा उपद्रवकारी क्रियाकलापको माध्यमबाट परिवर्तन सम्भव हुने बताउनु भयो । एमालेले विगतदेखि नै विभिन्न राजनीतिक चुनौती र दमनको सामना गर्दै आएको दाबी गर्दै उहाँले पञ्चायतकाल र राजा महेन्द्रको शासनकालमा समेत पार्टीलाई समाप्त पार्ने प्रयास भएको उल्लेख गर्नुभयो । उहाँले अहिले पनि नेपालको सबैभन्दा मजबुत, देशभक्त र लोकतान्त्रिक शक्ति नेकपा एमाले भएको जिकिर समेत गर्नुभयो । उहाँले नागरिकमा बेचैनी र निराशा बढ्दै गइरहेको भन्दै यस्तो अवस्थामा नेकपा ९एमाले० वैचारिक रुपमा स्पष्ट भएर जनपक्षीय आन्दोलनको बाटोमा जानुपर्ने बताउनु भयो ।

उहाँले भन्नुभयो, ‘हाम्रो पार्टीको केन्द्रिय कमिटीले हाम्रो अगाडि दुई वटा महत्वपूर्ण कार्यभार रहेको छ भनेर भनेको छ । एउटा, हामीले आवश्यकता अनुसार आन्दोलन गर्नुपर्ने हुन्छ, आन्दोलनको तयारीको मानसिकताका साथ साथिहरु सधैं हरदम तयार हुनुहोला । आन्दोलन सधैं लामो तयारी गरेर मात्र हुन्छ भन्न सकिँदैन । असह्य भएपछि आन्दोलन तत्काल निस्किन्छ । उहिले १९१७ मा रुसमा दुई दिनको ठूलो विद्रोहबाट सत्ता उलटफेर भएको थियो । कहीँ विद्रोहबाट,कहीँ निर्वाचनबाट कहीँ जनविद्रोबाट भने कहीँ उपद्रवबाट उलटफेर हुँदो रहेछ भन्ने हामीले हेरेका छौँ । मानिसहरुलाई राज्य संयन्त्रको प्रयोगलाई पृष्ठभागमा राखेर उपद्रवकारीहरुलाई अग्रभागमा सारेर परिवर्तन हुँदा रहेछन् । तसर्थ कुनैपनि समयमा आन्दोलनमा जानुपर्छ साथिहरु त्यसको तयारीमा जुट्नुहोला ।

मानसिक रुपले पनि तयार रहनुहोला । हामी अफ्ठ्याराहरुसँग जुधेर आउने बानी परेको छ । जाडोमा हिमालमा तपस्या गर्ने तपस्वी जस्तो, गर्मीमा तराईका धुपमा गएर आगो बाले तपस्या गर्ने तपस्वी जस्तो हिउँले पोलेपनि, आगोले पोलेपनि तपस्या गर्ने र आफ्नो तप् पूरा गर्ने बानी परेका छौँ हामी । हामीमाथि के गरिएन रु आज मात्र होइन हामीलाई उहिलेदेखि नै सिध्याउन खोजिएको हो । पञ्चायत कालमा, राजा महेन्द्रको शासन कालमा हामीलाई सिध्याउन खोजियो । त्यही कारण हामीले झापामा पार्टीलाई पुनर्गठन गरेर आज यहाँसम्म ल्याइपु¥याएका छौँ ।’उहाँले केहीले निर्वाचनमार्फत पार्टी निर्माण गर्ने तयारी गरिरहेको भन्दै नेकपा ९एमाले० पार्टी बनाउन नभई पार्टी लिएर निर्वाचनमा होमिनुपर्नेमा जोड दिनुभयो ।

 
 

images
प्रकाशित मिति :मंसिर २, २०८३ मंगलवार - १५:०३:१३ बजे

इच्छाकामना न्युज

इच्छाकामना ब्रोडकाष्टिङ मिडिया प्रा. लि. द्वारा संचालित डिजिटल अनलाईन पत्रिका इच्छाकामना न्युज डटकम २०७४ साल जेठ देखि संचालनमा रहेको नेपाली भाषाको अनलाईन न्युज पोर्टल हो। ‘अब गाउँको खबर विश्वभर...’ भन्ने अभियानका साथ संचालित इच्छाकामना न्युज अनलाईन चितवनको इच्छाकामना गाउँपालिकाबाट संचालित पहिलो अनलाईन पनि हो। विशेष गरेर चितवनको इच्छाकामना गाउँपालिका सहित आसपासका स्थानीय तहहरु गोरखाको शहिद लखन र गण्डकी, तनहुँको आँबुखैरेनी र देवघाटका साथै धादिङको बेनिघाट रोराङ गाउँपालिकाको स्थानीय सरकारका गतिविधिका साथै विकास निर्माण, सुरक्षा, अपराध, कृषी, पर्यटन, सडक, विज्ञान–प्रविधि, रोजगारी, स्वास्थ्य, शिक्षा, मनोरञ्जन, साहित्य लगायतका सामाजिक–सांस्कृतिक मुद्दाका समाचारहरु हामी प्राथमिकताका साथ प्रकाशन गर्ने गर्छौ।

सम्बन्धित समाचार
images
images

Copyright © All right reserved to ichchhakamananews Site By: SobizTrend Technology