काठमाडौं।नायिका रेखा थापा र मिस नेपाल उषा खड्गीद्वारा दाइजो प्रथाविरुद्ध ‘महिला शक्ति जागरण अभियान’ कल्कि उमनको उद्घाटन गरेका छन् । कल्किजम रिसर्च सेन्टरद्वार आइतबार राजधानीमा पत्रकार सम्मेलनको आयोजना गरी ‘कल्कि कानुन’ र कल्कि करेन्सी अभियानमार्फत ‘महिला शक्ति जागरण अभियान’ चलाउनेसमेत जनाएको छ ।

कल्किजम रिर्सच एण्ड टे«निङ सेन्टरका अध्यक्ष डा।उमा शंकर प्रसादले विश्वभर विभिन्न वादका नाममा जनता झन उत्पीडनमा परेको दाबी गरेका छन् । प्रसादले पँुजीवाद, साम्यवाद र समाजवादका विकल्पमा कल्किवाद (कल्किजम) स्थापना गरेर विश्वलाई नयाँ दिशामा लग्नुपर्ने धारणा राखे ।

मिस नेपाल उषा खड्गीले नेपालमा दाइजो, महिला हिंसा र लैङ्गिक असमानता जस्ता सामाजिक विकृतिविरुद्ध व्यापक जनचेतना फैलाउँदै कानुनी सुधारका लागि अभियानले महत्वपूर्ण भूमिका खेल्ने विश्वास रहेको बताइन् । खड्गीले यस अभियानलाई राष्ट्रिय बहसको विषय बनाउन सञ्चारमाध्यम, नागरिक समाज र सरोकारवालाहरूको सहयोग आवश्यक रहेको उल्लेख गरिन् ।

कल्किजम रिर्सच एण्ड टे«निङ सेन्टरका संस्थापक मिस्टर ६६६ ले अभियान बारे प्रस्ट पार्दै नेपाललाई दाइजो कुप्रथामुक्त राष्ट्र बनाउने मुख्य लक्ष्य रहेको जनाए । तीन वर्षभित्र दाइजो कुप्रथाको अन्त्य गर्ने, महिलाको सुरक्षा र अधिकारलाई कानुनी रूपमा थप सुदृढ बनाउने तथा सामाजिक न्यायका विषयमा राष्ट्रिय बहस सिर्जना गर्ने रहेको जनाए ।

विवाहमा केटा र केटी पक्षले समान खर्च गर्नुपर्ने कानुनी व्यवस्था लागू गरिनुपर्ने, बारकोडयुक्त ‘कल्कि करेन्सी’ लागू गरी नेपाललाई पूर्ण रूपमा क्यासलेस बनाउने तथा प्रत्येक परिवारका लागि छुट्टै डिजिटल करेन्सी प्रणाली विकास गर्ने अवधारणा रहेको मिस्टर ६६६ ले जनाए ।

त्यसैगरी महिलामाथि कुटपिट वा अन्य हिंसाका घटनामा उजुरी दर्ता भएपछि दोषीबाट आर्थिक जरिवाना असुल गरी त्यसैबाट महिला सुरक्षा प्रविधि वा महिला प्रहरी परिचालनको व्यवस्था गर्नुपर्ने उनले जनाए ।

बुहारीको हत्या वा शंकास्पद आत्महत्याको घटनामा विवाहमा भएको सम्पूर्ण खर्च २५ प्रतिशत ब्याजसहित केटीका अभिभावकलाई फिर्ता गराउनुपर्ने तथा सम्बन्धित परिवारका पुरुषलाई पुनः विवाह गर्न रोक लगाउने कानुनी व्यवस्था गर्नुपर्नेमा मिस्टर ६६६ को माग छ ।

कल्किजम रिसर्च सेन्टरकी उपाध्यक्ष डा।पञ्चकुमारी मानन्धरले महिलामाथि हुने हिंसा न्यूनीकरण तथा समानता र न्यायमा आधारित सामाजिक सुधारका लागि महिला मैत्री कानुनीमा जोड दिइन् ।

संस्थाकी सदस्य भूपी ऐरले सम्पत्तिको हकमा आमाबुवाको मृत्युपछि मात्र छोरा–छोरीले सम्पत्तिमा हिस्सा पाउने तथा आमाबुवाको सम्पत्तिमा सन्तानको अधिकार भएझैँ सन्तानको सम्पत्तिमा पनि आमाबुवाको अधिकार सुनिश्चित गर्नुपर्ने जनाइन् । पद्यम कन्या क्याम्पसकी स्वभियु सभापतिसमेत रहेकी ऐरले नेपालमा महिला हिंसालाई अन्त्य गर्न सबै महिला जागरुक हुनुपर्ने धारणा पनि राखिन् ।

जेनजी अभियान्ता जश्मिन ओझाले ‘महिला शक्ति जागरण अभियान’ले महिला मुक्तिका लागि ठूलो योगदान दिने विश्वास रहेको बताइन् । सो कार्यक्रममा कल्कि वुमनका केन्द्रीय सदस्यहरूको उपस्थिति रहेको थियो ।