- शनिवार, आश्विन ३ गते २०८३
TRENDING
चितवन । धरान उपमहानगरपालिकाका मेयर हर्क साम्पाङ नेतृत्वको ‘श्रम संस्कृति पार्टी’को चितवन जिल्लामा पनि समिति गठन भएको छ । शनिवार आयोजित एक भेलाले चन्द्र बहादुर तामाङको संयोजकत्वमा श्रम संस्कृति पार्टीको चितवन जिल्ला समिति गठन भएको हो ।
पार्टीको चितवन जिल्ला सहसंयोजकमा राजु खड्का, सचिवमा माधव पुन, सहसचिवमा दिनेश तामाङ र कोषाध्यक्षमा मीना लोप्चन रहनुभएको छ । त्यस्तै, जिल्ला सदस्यहरुमा सन्त तामाङ, समीर तामाङ, सुर्य बहादुर घले, चिन बहादुर तामाङ, लाप्साङ लोप्चन, लेख बहादुर पुन, दिनेश तामाङ, राजकुमार तामाङ, बुद्धि बहादुर गुरुङ, बसन्त कुमार क्षेत्री, पारस गुरुङ र प्रकाश रिजाल क्षेत्री रहनुभएको जिल्ला सचिव पुनले जानकारी दिनुभयो ।
यसैबिच, नवगठित श्रम संस्कृति पार्टीको चितवन जिल्ला समितिले शनिवार भरतपुरमा सरसफाई कार्यक्रम गरेको छ । बसपार्क क्षेत्र वरपरको फोहर संकलन, सरसफाइ र वातावरण सुन्दर बनाउन सहभागीहरूले संयुक्त प्रयास गरेको जिल्ला सचिव पुनले जनाउनुभयो । कार्यक्रमको उद्देश्य सार्वजनिक स्थल स्वच्छ राख्दै श्रमप्रतिको सम्मान र सामूहिक उत्तरदायित्वबोध जगाउने रहेको उहाँले बताउनुभयो ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
