काठमाडौ – माओवादी केन्द्रको केन्द्रीय समितिको बैठक काठमाडौमा जारी छ । हिजो बिहिवारदेखि सुरु भएको बैठकमा अध्यक्ष प्रचण्डले पार्टी पुर्नगठन र नयाँ नेतृत्व बारे मङ्सिरमा विशेष महाधिवेशन गर्ने निर्णय गरेका थिए । भाद्र २३ र २४ गत्ते जेन जी आन्दोलनने सबै पार्टीहरुमा पुर्नगठनको मुद्धाले स्थान पाएको छ । 

माओवादी केन्द्रीय समिति बैठक आजसम्म चल्ने छ । पार्टीका वरिष्ठ उपाध्यक्ष नारायणकाजी श्रेष्ठ, उपमहासचिव जनार्दन शर्माले आफ्नो धारणा राखिसकेका छन् । उनीहरुले अध्यक्ष पुष्पकमल दाहाल प्रचण्डले राखेको प्रस्तावमा असहमति जनाएका थिए । 
पार्टीका वरिष्ठ उपाध्यक्ष नारायणकाजी श्रेष्ठले आफ्नो धाराणा राख्ने क्रममा कार्यवाहक अध्यक्षको जिम्मेवारी मागेपछी बैठक हल हासोको फोहराले गुञ्जिएको थियो । एक केन्द्रीय सदस्यले इच्छाकामना न्यूजसँग भने, म पनि हाँसे ! हामीले उनलाई प्रतिप्रश्न गरौ, अध्यक्ष पछि वरिष्ठ उपाध्यक्षले अध्यक्ष दाबि गर्नु स्वभाविक होइन र ? उनको उत्तर थियो, अहिले दुई कारणले उयपुयत्त छैन । पहिलो, अध्यक्षले राजीनामा दिएको अवस्था छैन, दोस्रो, अध्यक्ष माथि कारवाही वा अरु कुनै किसिमको मुद्धा नभएको समयमा कार्यवाहक माग्ने कुरा स्वभाविक रहन्न । 

त्यस्तै बैठकमा सहभागी अर्काे केन्द्रीय सदस्यले, नारायणकाजी कमरेडले कार्यवाहक माग्ने र नदिए पार्टी विभाजन गर्न सक्ने समेत योजना रहेको कुरा बताए । नारायणकाजी निकट एक केन्द्रीय सदस्यले आफूहरुको पार्टी विभाजन गर्ने योजना नभएको बताए । मात्र नेतृत्व परिवर्तनको कुरा अघि सारेको बताए । उनले थपे हामी माथि सस्थापन पक्षले पटक–पटक यस्तो आरोप लगाउँदै आएको छ । हामी यसलाई चिरेर अघि बढ्छौ, पार्टी निर्माण र शुद्धिकरण बाहेक हाम्रो अर्काे एजेण्डा छैन । 

विभिन्न १० वटा समूह बनाएर बिहीबारबाटै छलफल जारी रहेको नेकपा माओवादी केन्द्रले जनाएको छ । आज टोली नेताहरूले धारणा राख्नेछन् ।