- शनिवार, आश्विन ३ गते २०८३
TRENDING
चितवन, साउन २५ । पूर्वप्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले निर्माणाधीन गौतमबुद्ध अन्तरराष्ट्रिय क्रिकेट रङ्गशाला तोकिएको समयमा सम्पन्न गर्न निर्माण कम्पनीलाई सचेत रहन आग्रह गर्नुभएको छ।
आज भरतपुर–१५ स्थित रङ्गशालाको निरीक्षणपछि अध्यक्ष दाहालले रङ्गशालाको निर्माण कार्य निर्धारित मितिमा सम्पन्न गर्नुपर्नेमा जोड दिनुभयो। उहाँले रङ्गशाला भविष्यमा राष्ट्रिय तथा अन्तर्राष्ट्रिय स्तरका क्रिकेट खेलाडी उत्पादनमा महत्वपूर्ण हुने विश्वास व्यक्त गर्नुभयो।
निरीक्षणका क्रममा भरतपुर महानगरपालिकाका प्रमुख रेनु दाहाल र इञ्जिनियर सन्तोष आचार्यले अध्यक्ष दाहाललाई रङ्गशालाको निर्माण प्रगतिको जानकारी गराएका थिए। हालसम्म ३० प्रतिशत भौतिक प्रगति भएको जानकारी दिइएको छ।
सङ्घ र प्रदेश सरकारको सहकार्यमा भरतपुर महानगरपालिकाले निर्माण गरिरहेको सो रङ्गशाला आगामी २०८३ पुस २२ गतेसम्म निर्माण सम्पन्न गर्ने लक्ष्य रहेको छ। रङ्गशालाको कुल निर्माण लागत रु ७८ करोड ५० लाख ९१ हजार रहने अनुमान गरिएको छ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
