- सोमवार, श्रावण ११ गते २०८३
TRENDING
सिमलढाप । चितवनको इच्छाकामना गाउँपालिका–७ भालुमारा सुन्दरबस्तीमा गरिबी निवारणका लागि लघु उद्यम विकास कार्यक्रम अन्तर्गत प्रविधि हस्तान्तरण गर्दै चर्खा धागो बनाउने ६ वटा मेशिन समूहगत रूपमा हस्तान्तरण गरिएको छ।
गाउँपालिकाको “एक घर, एक उद्यम” नीतिअनुसार चर्खा धागो बनाउने मेसिन हस्तान्तरण गरिएको हो । गाउँपालिका कार्यवाहक अध्यक्ष माया सिलवालको सभापतित्वमा कार्यक्रम सम्पन्न भएको हो ।
कार्यक्रमलाई सम्बोधन गर्दै कार्यवाहक अध्यक्ष माया सिलवालले यसअघि गाउँपालिकाबाट ३२ जनालाई हातबाट सञ्चालन गर्न मिल्ने मेशिन वितरण भइसकेको जानकारी दिनुभयो । सिलवालले भन्नुभयो, “गरिबी निवारणको उद्देश्यले थालिएको यो अभियान प्रभावकारी बन्दै गएको छ। यस आर्थिक वर्षमा अन्य वडामा पनि तालिम र मेशिन हस्तान्तरण गर्ने योजना रहेको छ । ”
यसैबीच स्थानीय समूहकी अध्यक्ष लालमाया गुरुङले चर्खा मेशिनको प्रयोगबाट मासिक पाँचदेखि बीस हजार रुपैयाँसम्म आम्दानी गर्न सकिने बताउनुयभो । “खाली समय सदुपयोग गर्दै आत्मनिर्भर बन्न सकने उहाँको भनाई छ ।
कार्यक्रममा वडा नम्बर ५ का अध्यक्ष तेजबहादुर शेरचन, लघु उद्यम विकास कार्यक्रमकी फोकल पर्सन रीता अर्याल नेपाल, सहजकर्ता सोनु गिरी, होटल व्यवसायी संघ चितवनका वरिष्ठ उपाध्यक्ष दलबहादुर बुढाथोकी लगायतको उपस्थिति रहेको थियो ।
स्थानीयस्तरमा उद्यमशीलताको प्रवर्धन र स्वरोजगार अभिवृद्धि गर्ने उद्देश्यले सञ्चालन गरिएको यस कार्यक्रमबाट समुदायमा आर्थिक सुधार र सीपको विकास हुने अपेक्षा गरिएको छ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
