- मंगलवार, कार्तिक २५ गते २०८३
TRENDING
हेटौंडा । बागमती प्रदेशभित्रका निजी वनमा रहेका साल प्रजातिको रुख कटान कार्य सुरुवात गर्न बनाइएको अनुगमनसम्बन्धी कार्यविधि, २०८१ स्वीकृत भएको छ। प्रदेशको गत मंगलबार मुख्यमन्त्री कार्यालयमा बसेको मन्त्रिपरिषदको बैठकले उक्त कार्यविधि स्वीकृत गरेको हो ।
प्रदेशको वन तथा वातावरण मन्त्रालयका सचिव डा.केदार बरालका अनुसार निजी वनको साल प्रजातिको रुख कटान, उपभोग, ओसारपसार, बिक्री वितरण तथा अनुगमनसम्बन्धी कार्यविधि, २०८१ तयार गरी स्वीकृतिका लागि प्रदेश सरकार मन्त्रिपरिषदमा पठाएकोमा उक्त कार्यविधि स्वीकृत भएर आएको बताए ।
उनले भने,‘यो कार्यविधि स्वीकृत भएसँगै कार्यविधि बमोजिम दर्ता भएका निजी वन धनीहरूले आफ्नो निजी वनमा लगाइएका वा हुर्काइएका सालका रुखहरू स्वीकृति लिई कटान र उपयोग गर्न सक्नेछन्।’
संघीय सरकारले २०८० साल मंसिर ७ गते नेपाल राजपत्र भाग ५ मा प्रकाशन गरेको सूचना १ को ५ (ग)मा दर्ता भएका निजी वनमा लगाइएका वा हुर्काइएका साल प्रजातिको रुख कटान, उपभोग, ओसारपसार र बिक्री वितरण गर्न पाउने र यसको प्रदेश सरकारले आवश्यक अनुगमन गर्नुपर्ने व्यवस्था गरेको छ।
त्यसैअनुरुप प्रदेश सरकारले निजी वनको साल कटान तथा उपयोग कार्यको अनुगमन गर्न यो कार्यविधि तयार गरेको उनले बताए।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
